اببتسم واخفي جروحي والاهات
وابرسم البسمات لو كنت ضايق
وابا اتصنع ضحكتي والمسرات
يمكن مع الايام تصبح حقايق
هذي ثمان سنين وانا بمعانات
لا الفكر مرتاحً ولا البال رايق
همي ملازمني ولاغاب لحظات
ياهم بالله فكني لوو دقااايق
ماغير اهيجن واتسلا بالابيات
ادور السلوى بشتاء الطرايق
حتى ولو كانت بيوتي حزينات
اقول رايق لو بصدري حرايق
عزالله اني غارقً بالمتاهات
لو ارسم البسمات ماهو بلايق
ان جيت والا رحت مامن وناسات
مادام همي كل لحظه يوايق
يالله طلبتك بالجهر والخفيات
تزيح عن دربي جميع العوايق
