زميلتي بالمكتب شالحل معاها تكفون والله تدمرت منها

السلام عليكم ورحمة الله شلونكم بنات يارب تكونون بألف هنا وألف راحه يارب
بنات أنا بدخل بالموضوع على طول
في وحده معاي بالمكتب صار لها سنه منتقله عندي بالمكتب واصغر مني بحوالي 7 سنوات اول ما انتقلت عندي طبعا تعرفنا على بعض طبعا أنا متزوجة من خمس سنين ولي الحين ما عندي عيال واهي من عرفت هالشي اول شي نصحتني اني اتعالج وأعطتني رقم عيادة لان خالتها دكتورة نسا وولاده ودائما تقولي عالجي بس من فتره طويله صارت كل يوم تقولي انتي مرتاحه ما عندج عيال كل يوم لازم تقولي هالكلمه وبكل سالفه تقولي انتي شوراج ماعندج شي لا عيال وعوار راس ومرات تقولي تبادليني حياته بحياتي أمس جد ام زميل لنا قاعد قاعد وإيانا جان أقول ايفوني مخترب جان تنط وزفتني زيج الزفه قالت لي هال يومين راح ينزل معاشج وقطي على نفسك وأشتري أيفون جديد تره تطلبينه من النت ويوصل لي باب البيت أشفيج خو انتي لا ولد ولا تلد أنا لما قالت هالكلمه حسيت ودي ابجي حسيت اني كسرت خاطر نفسي واستحييت من زملائنا اللي كان معانا أشوفه كان يطالعها منصدم وانحرج أنا بلعتها وقلت لها اي صح انشأ لله واهي ناطه عيونها علي وتقولي اي حبيبتي اشتري مليت وانا أقولج ودائما تسولفلي عن عيالها وأمس هم قالت لي سالفه ما ادري ليش قالتلياها مع اني كنت احاول أغير الموضوع بس كانت مصره انها تقولها كامله لي تقول انها مره كانت قاعده بكافيه وقاعده تأكل كيكة وقهوه ما تشوف الا واحد قاعد يطالعها ويأشر لها يعني بيكلمها ومنعجب فيها تقول شوي وإلا عيالي يو كانت يلعبون وإلا أهو أنصدم مسكين لما عيالي قالو ماما تقول عاد أنا مت من الضحك عليه بنات تكفون قولولي شلون أرد عليها لآني كلما اسكت عنها قاعده تزيد تكفون أنا تحطمت من داخلي بسببها تقولي أنا ادري شنو اللي أبالج وحواسه فيج انتي تفكرين بالحمال تكفون ساعدوني احس نفسي منكسره احس اني ناقصه ومرات ما اقدر أحط عيني بعينها بنات أنا عيبي اني دائماً أخذ كلام الناس بحسن نيه وأهوا العكس وما اعرف حق أسلوب النغزات تكفون بنات :eh_s(2):