موقف في المدرسه صار لي الله لايوريكم ..

بقول موقف مر فيني لا أحسد عليه وسبق ذكرته في منتدى ثاني صار حدث الموسم لهم بس قديم ....

كعادتي احب الدرس خفيف دم وفيه فرفشه

ماأحب القي الدرس جامد احب اشد البنات واحب انا البنات

اصلا ودائما ولله الحمد الاقي احترام ونضحك سواء ونسكت سواء

موقف قصه طريفه تتخلل الدرس ولازم ابحث عن شئ يونسهم

يكون مناسب في ربط الدرس او بعض التعليقات

وفي مره من المرارير يعني في يوم من الايام اشرح الدرس

ومتحمسه وكاشخه ومن كثر الحماس كنت لابسه شلحه طول شبرتحت التنوره وتحتها مشد

الله لايعيدها جايبتها اختي من امريكا وكنت نحيفه مو زي هاالحين

بس الحمدلله كويسه اعتبر الحين ..الا احس بشئ عند ارجولي تزحلقت الشلحه النصف بسبب المشد

واطل وش اشوف شئ سقط تحت قدمي ماهذا؟ ياللهول

الله يستر مايكون شئ ثاني تأكدت انها الشلحه النصف


وقلت هانت بس لازم البنات يشوفونها لايحسبونها الشئ الثاني..

ورفعتها وجلست انفض فيها والبنات ميتين ضحك وجهي كانه طماطه

احس بحراره ماحسيتها بحياتي واقومهم يجاوبون من الثقه بضيع السالفه

والتفت واشوف معلمة الانجليزي بره انتهى درسها واقفه وشافت الحدث ميته

هي بعد من الضحك هو انا ناقصتك انتي بعد..

واجي واصفطها واحطها في الكتاب واشوى الدرس على النهايه واعطيهم الواجب واهج

وعينك ماتشوف الا النور واروح والاقي هاالمدرسه مفضحتني في غرفة المدرسات

وادخل وكلهم كركركركروهههههههههههه والاقي المديره عارفه قالت وش تصرفتي وقلت لها

قالت والله ذكيه المشكله القضيه من زمان بس صاروا يترخون فيها مثل

سنه السبله سنة السخنه صارت سنة الشلحه الله لايعيدها صرت ماالبس

شلح نصف لو ايش طبعا هذا اول الحين مافيه احد يلبس شلحه

وش ردة فعلك وانت طالبه من الي صار؟