لافرق بين احداث تموز وأشباط== حكم النطيحه مثل حكم الرديه
بيض الله وجيهكم على الترحيب والله لايهين ابوهادي
وهذا اول قصيدي معكم
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
في عالم الفوضى وفي عصر الاحباط = لازيح ظلم ولاتحقق قضيه
لافرق بين احداث تموز وأشباط== حكم النطيحه مثل حكم الرديه
نار الحروب يشبها عود مشخاط= و سبتمبر أكبر حادثه عالميه
والعين صوب أهل التشدد والأوساط= مرسومةِ بالعبه المسرحيه
واحد صفروالفوز فيها أربع نقاط = والجايزه لاولى بعيد الضحيه
والثانيه في راس رسام خطاط == لقمة جمل صكت عليها لحيه
والثالثه على نمط غير الانماط= لاعلها في الواقع أكبر هديه
وكل الشروط إتم وأزيادت أبناط = في حق جارة الامة اليعربيه
كم دولةِ تسقط وترشيح وإصقاط= وكم كاهل وطفل ونفسِ بريه
تاخذ بها عدوان الاسلام ألانواط = وتكسر عصى الراعي وتسبى الرعيه
إلا – وتاخذ رحتِ بين ألأشواط = تطمس شعارإمه وتزرع خليه
على كذا والروح قيراط قيراط= بين الدمار وحالتِ مائسويه
إلى متى هذا التقاعس والافراط = معاد باقي غير طمس الهويه
مدري متى نأخذ حذرنا ونحتاط= ونحسب إحساب البينه والخفيه
عدولهم بما أستطعتم من أرباط =وصيتِ مامن بعدها وصيه
يالله عساهم من غظب ربي أسواط = وتذهب سراياهم سريه سريه[/poem]
وسلامتكم
اخوكم
حمود بن عبيد بن عقرب ال بريك
