انا وزيبا وحمايه المستهلك
صباح الخير بنااااات
شلونكم ؟
انا لي معاكم معرف باسم ميشو لكن مضيعه الباسوورد مع ايميلي
المهم الحين عندي مشكله وابيكم تشورون علي
انا كنت رايحه اول لمنال اسوي بشرتي
وشفت النتايج عاديه مو الشي الراو يعني تقريبا 10٪
بعدين يتنس وحده بالدوام وقالت لي عن زيبا رفيق
قمت وسالت خواتي قالوا لي انهم م يعرفونها وبيجربون عندها
رحت لزيبا بمجمع المطوع وحطت لي القمر بايد والشمس بايد
قالت لي حبوب الشباب بتختفي بالليزر
وجيمي بتشده وتنحنه باحدث تقنيه الراديو فريكونسي
المهم خذت كورسي عندها وكانت تقولي كملي علشان تجوفين النتيجه
حسيت مافيه فرق ابد بالعكس ويهي جف وصار عليه مثل القشور
وبلغتها ان جسمي م ضعف ابد
وقالت لي لازم تكملين عشرين جلسه
صراحه مليت وقلت لها انتي اول ما يتيح قلتي لي لو م جفتي نتيجه بارجع لج فلوسج
قالت اي كلمي السكرتيره
سكرتيرتها كانت كويتيه
كلمتها البنت وايد حبوبه وفهمتني النظام
وخذت موعد اجوف فيه زيبا واقولها عن بشرتي
لكن يوم قابلتها تمت تماطل وتقولي اسباي ثانيه
لاهي اللي بتعدل ويهي ولا اللي بترد فلوسي
رحت لدكتور جلديه بالمستشفى وقالي انها لعبت ببشرتي وخلتها تصير جافه
انا ابي اروح لحمايه المستهلك لاني جسمي اخترب من جهازها
وبشرتي صارت جافه
وريلي يقولي خليها تولي مانبي مشاكل
انتم شرايكم
المبلغ مو هين
دفعت 400 لويهي
و500 لجسمي
شنو تشورون علي
