ايدي اللي صافحت قلبك خذت
منك عهد تكون لي خل وفي
وعيني اللي ناظرت حسنك هوت
في دروبك يالحبيب المترفي
وروحي اللي عاشت الحب وطنت
قربت ترحل ومني تختفي
وقلبي الي برضك الخصبه نبت
من جروح الوقت بعده ما شفي
ياحبيب الروح لك فيني ثبت
صدق الاحساس والعشق الخفي
في وصالك نظرة عيوني حكت
باحت بمكنون قلب عاطفي
لاتحط اللوم في راس البخت
ولا تقول الجو عمره مادفي
لك حبيبه ماتعافك لوبكت
لو تروح ومن غلاها تكتفي
وان بكت من قسوتك ماقد قست
صعب تقسى دامها بك تحتفي
