عندكم مشاكل وتبون تحلونها ؟ تعالو نحل مشاكلنا

السَّلامُ عَلَيْكُمْ وَرَحْمَةُ اللَّهِ وَبَرَكاتُهُ
خواتي الكل عنده مشاكل مافي احد بالدنيا مرتاح ومتهني
مااظن وحده بتقول انا ماعندي هموم ولا افكر ومستانسه
وسعيده بحياتي هذا حال الدنيا بس خلونا نفكر
شنو اسباب هالبلايا والمصايب اللي تحل علينا واللي متعبتنا ؟؟

قال تعالى ((ما اصاب من مصيبه فبما كسبت ايديكم ويعفو عن كثير ))
يعني كل مصيبه بسبتنا حنا جبناها بايدينا من ذنوبنا
وربي يعفو عن كثير واحيان طبعا تكون ابتلاء وربي بيختبر صبرنا

بس شلي يمحو هاالذنوب ؟؟ الاستغفار نبي نلزم الاستغفار بشكل كبير
خلونا نسنتغفر بكل لحظه وثانيه وساعه وبرهه
ماننام الا وحنا مستغفرين الالاف المرات
كل يوم قبل لا ننام نصلي ركعتين توبه
نندم على كل ذنب سويناه بحياتنا نبجي ننكسر لله
نعدم على عدم الرجوع للذنب ،..

والله يابنات مريت بظروف قاسيه وصعبه ومووت
تمنيت الموت والحين امس بديت وفكرت بالاستغفار وصرت اقرا قصص استغفار
وخلاص ببدي عندي امور وايد متعسره بكل شي بحياتي ،
دراستي متعطله وموقفه سنتين
زواج كل خطباتي تتفركش وماتتم
وظيفه ماكو مو متوظفه وكارهتها من الحين واقول مابي الوظيفه
مشاكل بالبيت والاهل وامور تشيب الراس
كله تعب وارهاق وصداع ولله الحمد
موشكوى الشكوى لله بس اقولكم باذن الله هذه الامور كلها سهله على ربي
وابي احلها بالا ستغفار مستيقنه ان ربي بيدبرني لما استغفر واتوب له
ادري ان الله بيفتحها علي خصوصا بالعلم
لان من اسباب النسيان وضياع العلم الذنوب
لاتنسوووني من صالح دعائكم ربي يفرج علي وعليكم ويحل مشاكلنا