اتطلج ولاشنو اسوي

السلام عليكم
كنت دائم عندي مخاوف ان ريلي يكون نسونجي وكنت اقول من الشيطان ولاتخربي حياتج وانا توني باول سنين زواج وماكو عندي يهال
ابي تفسرون لي ريلي الحمدالله احس انه يحبني صج يزفني مرات بس لما اناقشه ولما اقول له برد لاااهلي لاني متزوجه واحد مو كويتي لايروح بالكم بعيد هو خليجي وبدوله جريبه منا
عاد تعرفون البنات بمولات وبكل مكان يعورن القلب
وانا وياه كلش مايطلع لكن من ابعد :bbbiu:
هذاج اليوم سمعته يكلم رفيجه يمدح موظفه عنده جمالها رحت شفتها من الحره لقيتها عاديه
المصيبه ذاج اليوم يدق تلفوني جان ارد الا وحده تقول انتبهي ريلج تراه راعي حريم -----
الارض اعتفست فيني ماصدقت
الا يوم شفت بعيوني الاب توب ماله كلام وي رفيجه عن شسمونه وع وصور بنات من دوله عربيه مشهوره ---- وصور بنات اوربيات عارياات وكله يقول ياليت من ---- احتراما لكم مابي اكمل واحتراما لنفسي
جان تسود الدنيا بويهي ليش والله مو مقصره اهتم بنفسي شعري احترق وحت وصار فراغات وهو مو ناقص من الصبغ والفير والسشوار وقمت اتسلف لاني مو موظقه عشان ابدع له بلبس
واشوف شنو اللي يريح الريال واسويه له
حتى الحموله ومشاكله والغربه تحملت
انشغاله بقضايا محامي كلش وقته مو فاضي
تحملت لما ييي يطيح تدلع ببنات اخوانه وبنات اخته هم بسني
تحملت وايد شغالات تحملت اكون لابسه بجامه ولا ترنقات يقول لي خلي ننزل حق اهلي تحملت وايد شغالات حاولت افهمه انه من حقي ارتاح بيبتي ماكو مشاكل تدرجت من دلع لتفاهم لنجره ماكو كلش نتجيه
المشكله اهلي كلش عندهم الطلاق مثل الموت حسروا فيني لاني طلبته ماقلت لهم الاسباب بس قلت تمللت من الوحد ومشاكل الحموله ووو
شنو اسوي تعبانه وايد من داخلي
جرح مشاعري وانوثتي قمت اكره السفر ولااحس بمتعه وياه
قبل كان ينادي المضيفات ويلس يطلب منهم شغالات كل شوي مره عصير ومره مدري شنو كنت محسنه الظن لكن انصدمت بعد اللي عرفته
واللي صدمني وايد انه يتكلم ويا ربعه عني ومطلعني جيكره لين حاشني صج مرض نفسي وقمت اتخيل نفسي جيكره ورحت عند دكتور تجميل قال لي لو انج مو متزوجه والله خطبج ماشاءالله شنو اسوي بهحاله تعبت وايد نصحوني عفيه
حتى ياني نفور منه