سر من أسراري 💋

السلام عليكم ورحمة الله وبركاته

صباح الخير وصباح يوم مبارك وجمعه حلوة عليكم يا رب

قوه بنات شلونكم شخباركم ان شاءلله بخير

اتمنى بخير يا رب واللي مو بخير ان شاءلله ربي يساعدها بهاليوم المبارك
اميييين


اسفه ع الغيبة الطويلة لكن اليوم يايبتلكم عن وصفه تهبل تخلي ريحه تهبل بجسمج لمدة يومين واكثر وفوق هذا نعووومه تينن تينن وربي ي بنات تينن صج وترطيب حييل تحسين بشرتج تقولج بس شبعت ماي من كثر ماهي تهبل 😍والله من حلات النعومه ايدي ماوخرتها من جسمي 😂😂 ' ماشاءلله تبارك الرحمن ' < اسفه ي بنات بس العين حق

الحين بقولكم ع سر نعومتي اهو مو كريم ولا معابل مع الخلطات كل ليل لا لا ي طويلات العمر هو سكراب جم شغله خذيتها من بودي شوب وعن الحلال والحرام هالسكراب عرفته من وحدة تاجره معانا بالمنتدى شريت منها خلطات وما استفدت منها شي غير هالمعلومه اللي كانت كاتبتها بورقة استغفرلله 70 دينار راحت بدون نفع لو معطيتهم ناس محتاجه احسن بس يالله الدنيا تجارب الحمدلله ويله الحين بقولكم عن الطريقة يبت علبة فاضيه وغسلتها وعقمتها احسن شي تغسلينها بالماي والصابون وعقب حطيها بماي يغلي عشان تتعقم عدل مدل المهم بنات لا تستعملون الا علبة زجاج افضل لانه سمعت ان العلب النايلون او البلاستيك ممكن تتاكسد مع المنتجات اللي بتحطينها وخنتفاده هالشي ونحط زجاج المهم ماطول عليكم


الاشياء بسيطة جداً

روحي بودي شوب وقولي ابي سكراب زبدة الشيا وسكراب زبدة الككاو وملح البحر او ملح الجسم شي جذي اهو نوع واحد اعتقد اللي عند بودي شوب ماكو غيره لانه اذكر الفلبينية قالتلي بس هذا في

المهم حبيباتي انا من عقمت العلبة ونشفتها حطيتها ع صوب وييت صحن وحطيت فيه السكرابين والملح وقعدت اخلطهم مع بعض لين ما حسيت انهم تجانسوا وضبطوا وعقب حطيتهم بالعلبة وقعدت استخدمها مرتين كل اسبوع وعاد تعالي شمي الريحه اللي تخليج تنامين 😍😍 ولا النعومه والله ايدي احسها زبده زبدة لا إله إلا الله وتكونين حافه بعد ي سلااام ❤️

والله ي بنات هالسكراب مستخدمته من قبل وكل مره بكتبه لكم بس انسى سامحوني 💔 وان شاءلله برد هالايام اشتري منه لانه رهيب حتى اختي تقول اول مره اشوفج مسويه شي سنع 😂 قصفت يبهتي بس يله ماعليه تمون :( '' اصلاً عادي '' 😂


يله حبايبي قتلكم عن السر واي وحدة عندها سؤال من عيني اليمين قبل اليسار

ملحوظة بنات اهو انا الوحيدة اللي احس المنتدى ميت ولا في احد مثلي 😕

❤️ سبحان الله والحمدلله ولا إله إلا الله والله اكبر ❤️

استودعتكم ربي 💋