تجربتي عيادة دلال التركيت
هني بحط تجربتي بالعيادة
اول مره عرفت العيادة سويت فيها ليزر ومازالت ماشيه بالليزر الليزر لا بأس فيه لازم اخلص 7 جلسات علشان يوقف الشعر
قلت مره وحده خليني ادخل واعابل ببشرتي
طبعا لازم اخذ رقم من الريسبشن وارجع للعيادة الدور الثالث
الصراحه الرسبشن في بنتين سمر وحده منهم قديمه اسلوبها لا بأس فيه اهم شئ تحترم المرضى
الثانيه الله بالخير نفسيه وكانك تشحدين منها وهذي اول مره أشوفها وكل ما اكلمها تتنهد بعدين تجاوب
المهم طلبت انهم يعطوني رقم للدكتورة دلال التركيت قالتلي الاخت دلال ماتعالج وإمسكت الإدارة وماتستقبل مرضى:eh_s(2):
في دكتورتين فسألتها شنو تخصصهم قالت كلهم دكتورات جلديه قلت اوكي وخبراتهم كم سنه بالعياده قالت خبراتهم من زمان يشتغلون:krkrkr:
خذيت الرقم لدكتورة إسمها حنان الحمدالله ما ناخذ دور وايد بالنطره
)دخلت عليها ماتوقعت تكون هذي دكتورة جلديه لان بشترها سيئه جدا وذابله حييل وكله تجاعيد
المهم طرحت مشكلتي حبوب بالوجه وبقع بنيه وسودا وحمرا وشوية حبوب فيها إخراج و وابر زايد في الوجه ههههه ماخليت شئ
وقلتلها تجربتي مع نورة الصليلي وقالت الي سوته الدكتورة غلط من إبر الفيلر إلى حبوب الروكتان ،،،
المهم طرحت علي حلول ووقفتها قلتلها دكتورة ليش ماتفحصين بشرتي وتشوفينها عدل قالت اه اوكي وقعدت تحت المكبر ما اعتقد شافت بشرتي صح بسرعه قالت اه واضح فيه حبوب كتيرا
وقالتلي ان سبب زيادة الوبر في وجهي والشعر الصغير هو بسبب كثرة استعمالي لكريمات التبييض مثل الدوكين و هيدراكورت وانا اصلا كنت اخذهم بناء على وصفات الاطباء الي اراجع عندهم
بس قالت اكثر من شهر غلط
بالنسبه للبقع والحبوب قالت تبي تعطيني كريمات كريم مرطب وكريم مضاد الدكتورة دلال تجيبهم من المانيا وماتتوفر غير بعيادتهم
وإضافه حق الشعر تبي تعطيني سائل ليوقف تساقط الشعر
وافقت
طبعا جميع المرضى يشترون من عيادتها
رحت للرسبشن وقلتلها ابي اشوف الادويه قبل لا ادفع
السائل مال الشعر سعره 39 د.ك
الكريم المضاد سعره 1.300د.ك تعرفون مال جمجوم إلي بالمستوصفات هذا هو
الكريم الي قالت عنه مرطب سعره 55د.ك هذا الكريم كنت استخدمه عند اخصائية بشرة وهو مو مرطب هو مقشر ومتوفر في صيدلية ولدن
وظيفة هذا المقشر يشيل طبقه من الجلد ولازم لازم لازم تحطين فوقه كريم مرطب عالي الترطيب
يعني تحطين المقشر تنطرين ينشف 5دقايق تحطين فوقه المرطب
الدكتورة شكلها ماتعرف شنو هذا إلي وصفته لي ولا عطتني تعليمات
إي بعد وصفتلي حماية من الشمس وانا رفضت لان عندي وايد وكانت تبي تعطيني حبوب للشعر وبعد رفضت
طبعا بقولكم انا كنت مجربه المقشر فعلا يشيل اللون البني بس يبي عنايه لازم بعد 5 دقايق تحطون طبقة عدله من المرطب الطبي لان راح يتشقق جلدج وبعد 5 دقايق حطي فوقه حماية من الشمس
انا كنت استخدمه ثلاث مرات باليوم
بس الآن راح استخدمه فقط ليلا فماراح احط حمايه
الخلاصه
تجربتي بعد الكريمات من حنان اللون خف الحبوب الحمرا كما هي عليه
الليزر للابط خف الشعر والرومانيه الي تعملي ما انصحتني اعمل للوجه لان راح يزيد الشعر
الكريمات إلي عندها متوفره في الصيدليات
انصدمت ان الدكتورة حنان مو دكتورة جلدية لأ هي ممارس عام طب بشري ما عرفت غير من إختي تشتغل بوزارة الصحه ودورة بقوقل طلع فعلا ممارس بشري مو جلديه
الايام القادمه بسوي تنظيف بشره
