تعالوا شوفوا كيف تخلصت من القشره والحكه للابد ومن سنــــــــــــــين

السلام عليكم

قررت اكتب لكم مشكله شعري وكيف انحلت ولله الحمد ومن سنين بعد:rerrerek:
لان شفت في بنات يعانون فحبيت افيدهم

انا في فتره المراهقه كنت اعاني من حكه وقشره الراس
كانت حتى من كثر القشر الي في راسي .. تطلع قشور كبييره نفس الشرائح :eh_s(2):

لين ما ربي رحمني وانحلت مشكلتي وبسهووله

اولا الحكه راحت من بعد ما استخدمت شامبو صناعته سويسريه عطتني ياه اختي من ماركه RAUSCH
وترى في نوعين واحد اظنه للقشره الجافه وثاني للقشره الدهنيه انا اختي عطتني حق القشره الجافه


http://up2.q8yat.com/uploads/images/...1cdd93308f.jpg

تلقونه فالصيدليات
والاهم من هذا كله التكنيك
مش هم يكتبون ان خلي الشامبو لمده حول دقيقتين .. طيب كيف بنستفيد منه واحن سيده اول ما نحطه ونفركه .... نغسله ؟ :eh_s(10):

كنت احطه وخليه وروح اسويلي شغله عالسريع يعني اقشر اقدامي افرش اسناني >> وللامانه مرات اغسل كلل جسمي وبعده اغسل الشامبو :D معن هالشي غلط يجفف ويقصف الشعر

والحمدلله وخلال فتره بسيطه رااااااحت الحكه ليومكم هذا
صار لي حول 12 سنه وانا مرتااااحه


ومن ناحيه القشره ما ارتحت منها الا بعد ما استخدمت شامبو هد اند وشلدرز
جد ريحني
صحيح ان بعد سنين من استخدامه صار شعري جاف .. بس ماشي ولا شامبو احسه ينظف شعري الا هو ومهما بعدت عنه ارد له وصار لي استخدمه من حول 8 سنين او اكثر
وبعد نفس الشي استخدمت طريقه الدقايق معاه

http://up2.q8yat.com/uploads/images/...dd6b2010de.jpg

ومرات انظف فروه راسي من الترسبات بإني افرك فروتي بليمون ..
الترسبات هذي تكون عباره عن بقايا الشامبوهات وكريمات وشغلات تصفيف الشعر
تكون طبقه عالفروه ..تخنقها وما تخلي الفروه تستفيد من الزيوت والخلطات والتونكات

طريقتها :
بعد ما اغسل شعري افرك الفروه بليمون... ورفع شعري وغسل وصنفر كل جسمي واخر شي اشطف شعري بالماي

وعلى فكره طريقه الدقايق حتى فادت اخوي لان اخوي بعد نفسي كان راسه مترروس بالقشر بس من بعد ما قام يخلي الشامبو كم دقيقه في راسه ويقعد اثناء هالفتره يغسل جسمه
حتى هو اختفت القشره من راسه
ورتحنا وللابد باذن الله

اخوي يحب يستخدم شامبو كلير للرجال
واظن يستخدم ابو نقطه حمره


http://up2.q8yat.com/uploads/images/...a92d37c34d.jpg

وبس خلص الموضوع ان شاء الله تتخلصون من مشاكل الحكه والقشره للابد مثل ما افتكيت ورتحت منها
انا هالموضوع خليته مقتصر بس على جزئيه الحكه والقشره