ادب مالك القلب

يسعد مساء اللي مالكاً قلب خلّه
يسرج على الشوق اليا قال اهلين
اللي كتبت الشعر من جد لاجله
لو القصايد تحت أمري من سنين
ماتكتب الا في جماله ودلّه
تخجل حروف الشعر من نظرة العين
هو يدري أني هايمٍ فيه كلّه
ليته يواعدني على قربه الحين
وأعيش أنا مابين قلبه ونجله
يا فرحتي متنقلا ًبين الاثنين
دامي انا ماالقى على الارض مثله
ليته يوجهني على مايبي وين
وامشي معه من وين ماحط رجله
وياحلا محطاتي ترانا مقيمين
ابيه يبقى دايماً في محلّه
تعبت من كثر الخطاوي وتدرين
مافيه لابعده ولا فيه قبله
الله يخلي لي هوى بالي الزين
دامه تمكن من فوائدي وتلّه
يامر وحكمه مثل حكم السلاطين