نفاس بيت اهل زوجي 😢

حبايبي انا صار لي اسبوعين والده وانا اهلي بمنطقه ثانيه فأتفقت مع زوجي اني اذا ولدت اقعد اسبوع عند عمتي وبعدين اسافر لاهلي بس بعد ما ولدت تغير الكلام كل يوم اقوله احجز ويأجل ولما حجز عمي مارضي يخليني اسافر يخاف على بنتي عمرها سنه و8 شهور يقول ماتقدرين تسافرين مع البنت والولد لوحدك زوجي قال انه بيوصلني ويرجع بس عمتي تعبت ومايقدر يخليها 😢يعني السفريه شكلها منحوسه ماراح تتم وطبعا عارفين الوحده ماتقدر تاخذ راحتها في بيت اهل زوجها وانا يبيلي اهتم بنفسي كل ماشفت بطني تعقدت صاير اسسسسود غير الرقبه والاباط و التسبيح ما اخذ راحتي فيه بسرعه بنتي مره حركيه واخاف عليها من الخدامه وعمتي ماتقدر عليها وزوجي مايقصر بس المشكله دوامه بعيد ومتعب يطلع من تسعه الصبح ومايرجع الا عشره بالليل وطبعا بالغصب يقدر يتعشا وعلى طووول ينام غير ان نفسيته تعبااانه لان المصاريف مع الولد زادت الحمد لله على كل شي الحين شلون اقدر اهتم بنفسي وبنفس الوقت ببنتي والولد ؟!! حاسه اني خلااااص بيجيني اكتأب
مين فيكم جربت نفاسها ببيت اهل زوجها وشلون قدرت تهتم بنفسها من خلطات وزيوت وشلون على اللبس ؟ انا من اول ماولدت البس قمصان عاديه والشعر مربوط ومافي مكياج ابد وشعر ايدي ورجلي بدا يطلع بالمختصر قرفااانه من نفسي بس موعارفه بشنو ابدا 😭