شعر محاورة بين مشجعي اﻻتحاد و مشجعي اﻻهلي بمناسبة قرب الديربي

بمناسبة مباراة الاهلي والاتحاد القادمه ف كاس الملك

هذي محاورة (( كسرات )) دارت بين الروابغة


مُشجعي الأهلي vs مُشجعي الاتحادأترككم مع متعة المحاورة الرياضية ع طريقة اهل رابغ

مُشجعي الاهلي
البارحه صفـق الجمهـور = وإستبشرت نـاس فرحانـه
واللي تحدى طلع مقهور = ومن بعدها كثرت أحزانـه

مُشجعي الاتحاد
البـارحـة غـــرّد العـصفور = والـحظ قـد فـك بيبانه
وألا إنت في أخر الطابور = محجوز لك عندهم خانه

مُشجعي الاهلي
جمهورنا بالفرح مسرور = اصبـح يغنـي لحـن دانــه
ماهو كمأللي كما التنور = مــن خذلـتـه فــاح نيـرانـه

مُشجعي الاتحاد
يا عارفين الصقور صقور = كــم شــال مثـلـك بجنحانه
وأيـامـنــا والـسـنـيـن تــدور = والـخـيل معروف مـيدانه

مُشجعي الاهلي
تــاريــخ بـفـعـالـنـا مــذكـور = مـاضاع فـالـوقـت عـنـوانه
اعوام راحت وجات عصور = والـطـيـر مـنـتـوف جنـحـانه

مُشجعي الاتحاد
يالـلـي ذكرت الـفرح معـذور = خمسه وثلاثين عـطشانه
خلك على الطابق المستـور = من خوف تحزن على شانه

مُشجعي الاهلي
بلغ سلامي على منصـور = ولايـزيـد ويعـد حـلفانـه
كم راح قبله على الدكتور = يشكي من الغلب والوانه

مُشجعي الاتحاد
مثـلـك ولـيـف القـهـر مـعـذور = مـن فـرحـته شـقّ خلقانه
وبمـنـهـج الـعـرف والـدستور = ذنب الضعيّف على أخوانه

مُشجعي الاهلي
عشت الفرح والليالي نور = وإرتاح قـلبي وشـريانه
وراع الزعل دايما مخبـور = ماحيـلته غــير بلسانه

مُشجعي الاتحاد
انـتم وصلـتوا لـنا بـالـجـور = ومن بـيـننا ناس فـتانه
أحذر من النمر يامغرور = مادمت في حاجة أحسانه

مُشجعي الاهلي
بين العرب علمنا مقرور = والـفـوز قـد بان ربانه
ومنهو يهني لنا مشكور = من جود طيبه وسيسانه

مُشجعي الاتحاد
كـلاتـنـا بـالـلعـب مـشهـور = وللمنتخب ساس عمدانه
مـبـرووك ومغلـفه بـزهـور = مـهـداه مـن عـند جـيرانه