فوق قانون الرقابة !!!

[align=center]فوق قانون الرقابه:
شيء لايصدق أمانة سعودوا كل الوظايف كان قرار من الوزاره .ينزل بعدها بيوم واحد إعلان يملأ أركان الجريدة مطلوب موظف سعودي يحمل شهادة كبيرة مو أقل من بكالوريوس ومضاف لها سنين خبره أدنى حد أربع سنين وأعلى حد مو محدد وياليت يضيف اللغة وشهادة الحاسب وصوره وملف أخضر والنتايج بعد شهرين أو أكثر والرواتب ماتعدى 2000 !!
فوق قانون الرقابه:
مهرها خمسين ألف وعشرة تطيب خاطر أمها و فلة أو شقة كبيرة والأثاث يكون كامل وقصر وطقاقة وحفلة وصوت طبل وعزف أورق والتكاليف مو أقل من مية ألف ونقول مانبغى عنوسة !!
فوق قانون الرقابه :
شخص جاهل مثل الدين بتطويل لحية وثوب تحت الركبه واصل ومسواك بجيبه دايم لأجل ينصح يستغل وجود عالم وعشان يتسبب بفوضى يبدأ يحكي بصوت عالي ليش واقف وليش قاعد والغريب لو سألته وش هو الحكم الفلاني قال مدري ؟؟
فوق قانون الرقابه:
شخص فارغ وده يصير شخص كامل دايم بالصف الأمامي ومايهم من هو اللي كان خلفة يدفع التهمة بتهمة مظهرة كامل مؤدب وأكثر خلق خباثه .
فوق قانون الرقابه:
شخص تتعدى فلوسة كل حسابات البنوك ومافية شيك يحصي بس رأس مالة وفي بلادة ناس تموت من الظما وناس شيبها الإيجار وناس ماتملك ريال ونقول الدنيا بخير !!
فوق قانون الرقابه:
طالب وحالة بسيط طول عمرة يتمنى يكون بس طبيب ويوم النتيجة كانت النسبه تأهل وراح قدم بس قبلة حرف (واو) ويعلن المسؤول ويقول للأسف خلاص اكتفينا شوف لك مكان ثاني وتتحطم كل أحلام عمرة ونقول ممنوع الوساطه !!
فوق قانون الرقابه :
خمس سنين وهي تداوم وتطبع وتصور تلخص وليلة الإمتحان مانامت يجي قرار صارم نبي نجيب من برا بنات أقصد معلمات والسبب هالثقافه نبي تبادل ثقافي !
والمسكينة تحرى بكرة هالديوان يعلن أسماء اللي بيتعنون وخمس سنين وشاب راسك يابنية نبي نتبادل ثقافه!!
فوق قانون الرقابه :
أمر بزيادة رواتب تبلغ 15% جاء واحد وأصدر قرارة بالزيادة كل أسعار البضايع في زيادة والشعب مو كلة فقير بس عاد صادفنا ناس ماتعرف حتى طعم الحليب بس القصة إن الحبيب كرشتة غثته وده يخفف مايعرف قال أزيد السعر وش يصير لو كل هالشعب يتعاون يخفف كرشة هالوزير !!
فوق قانون الرقابه :
موظف يكدح مثابر فوق حد الخط بكثير كان يوقع يحمل شهادة جامعية وفية موظف راتبه عشره الاف توقيعة دايم تحت الخط الأحمر يوم سألنا قالوا ذي ابن المدير !!!
فوق قانون الرقابه :
تلبس اللبس الأبيض وتداوم قبل الشمس تطلع ويمة خذوا ولا ودونا وجيبوا بالأخير تتخرج حاملة دبلوم عالي ويوم راحت تجسر قالوا واللة نأسف مو عشان قلة قليلة نخسر الدولة الكثير وبنت تطلع وبنت تخرج ليش كل هذا العذاب ولايفوتك راتب البكالوريوس عالي يا أخي ذولاء صدق نشبه ضاعت فلوس الحكومة خلهن بالقسم وبلغ بكرة خطة التجسير توصل للجميع ونتقاعد وخطة التجسير باقي يا أخي هذي فلوووس دولة !!
فوق قانون الرقابه :
كل ماحيك بظلام فوق قانون الرقابه

فوق قانون الرقابة.
لو صوت هالمواطن ماوصل ينحذف الموضوع ويقولوا ليش تحب السياسة !![/align]