الله يرحم غيبتك !!!! رثاء الوالده رحمها الله !!! 《 قاسم الكستبان 》

♡♡ الله يرحم ◇◇ غيبتك ♡♡

يتيم آآآآنا ◆◆ من ياخذ بيد اليتيم إللي فقد ◇◇

روح الحياة ◆◆ أستغفر الله العظيم ◆◆ إلا الحياة

مدري وش الحاصل ◆◆ أحس إن المسافة تبتعد ◇◇

( بيني و بيني ) ◆◆ و الشتات يقودني دون إتجــاه

عن سكرة أحزاااااااااني أبا أتحدث قصيد و مستعد ◇◇

آفرغ حروف من الحزن متراااكمه وسط اللهـاه

بأرحل و لكن رحلتي ذي المره أرحل للأبد ◇◇

رحلة تنسيني الوجود إللي مشبعني غثاااه

ما عاد لي رغبه بذا الدنيا ◆◆ مدام إن اللحد ◇◇

خذ (رحمه) ◆◆ و غطى الثرى وجه (الفقيره) و أحتواه

رحت و تركت الطاهره خلفي ◆◆ و حاولت أبتعد ◇◇

و أثري رجعت و كني اسمع صوتها في إذني نداه

من وين أجيبك يالصبر ◆◆ و من وين أزيلك ي النكد ◇◇

دام إنها الوحشه ◆◆ فانا إللي بأختنق من كل آآآآآه

يمه ◆◆ بكيت و مدري يردك بكاي إللي سجد ◇◇

لأقدامك إللي ◆◆ كنت أقبلها قبل يوم الوفاة

يمه ◆◆أحس (إني أنا) ◆◆ ( ماني بآنا )◆◆ لو أعتقد ◇◇

( إني أنا )◆◆ ( نفسي انا )◆◆و العمر يلفض منتهاه

لا صوتك آحسه ◆◆ ولا خطواتك ◆◆ إللي تنفرد ◇◇

لا ريحتك ◆◆ لا قعدتك ◆◆ ماعاد به كود الوصاه

يا مصغر الدنيا ◆◆ ويا ضعفي على قل الجهد ◇◇

من يرحم الأعمى ◆◆ إذا اﻷيام قد شلت عصاه

يمه ◆◆ ورب الكعبه إن الحزن حبل من مسد ◇◇

وش حيلة إللي ما يعيش إلا إذا زولك معاه

يمه ◆◆ رجعت بغيبتك عمري و أحس إني ولد ◇◇

ما كنت أقول إني بأعود طفل ◆◆ يغرق في بكاه

روحي فمان الواحد القهار ◆◆ لك مني وعد ◇◇

مانساك ◆◆ لا و الله لا و الله اقسم ب اﻹله

الله يرحم غيبتك ◆◆ يا أعز و أغلى من وجد ◇◇

يا جعل عينــك جنــة الفردوووس ◆◆ (يا كل الحياة)

♡♡ إبنك / آخر العنقود :
قاسم مهدي الكستبان ♡♡
5 / 6 / 1435