عيش جو رمضان .. وعطنا أطرف ما حصل لك فيه !
[align=center]أفطرت في رمضان
جاء رجل إلى فقيه
فقال : أفطرت يوماً في رمضان . فقال له الفقيه : اقض يوماً مكانه , قال : قضيت , وأتيت أهلى وقد صنعوا مأمونية ( نوع من الحلوى الفاخرة) فسبقتني يدي إليها , فأكلت منها , قال الفقية : اقض يوماً مكانه , قال الرجل : قضيت , وأتيت أهلي وقد صنعوا هريسة , فسبقتني يدي إليها , فقال الفقيه : أرى ألا تصوم بعد ذلك إلا ويدك مغلولة إلى عنقك ؟
هذه القصة وغيرها ، تمتلئ بها كتب التراث عن طرائف الصوم والصائمين في شهر رمضان .. وإلى يومنا الحاضر .. تجد عند كل واحد من مواقف طريفة حصلت له .. أو لغيره ..
نسيان إنك صائم .. شربت غلط .. أكلت ناسي .. مواقف الآذان وانتظار المؤذن .. السحور وفوات وقته لظروف ما .. وأشياء كثيره ..
بالنسبة لأخواتنا الفتيات .. تحصل لهن مواقف بسبب العذر الشرعي .. يفاجئها أحد الأطفال وهي تفطر .. (من ورا الزير) مثل ما يقول المثل .. وأشياء كثيرة .. ولأسباب مختلفة ..
من المواقف التي حصلت لنا في أحدى ليالي رمضان .. في العشر الأواخر .. وكان رمضان ذيك الأيام برد شديد .. (الله يعين على الحر ذي السنة ) ...
كنا متعاونين مع أحد الجمعيات الخيرية .. في مهمة جمع تبرعات .. وكان إمام المسجد الذي سنجمع فيه .. من المشهورين بإطالة صلاة التهجد .. وفعلا ً .. عقب صلاة التهجد .. وبعد جمع التبرعات .. لم يتبق على صلاة الفجر .. إلا 30 دقيقة .. فلا نحن قادرين نرجع البيت .. ما نلحق نتسحر قبل الأذان .. ولا معنا سحور بالسيارة ..
طبعا ً .. رحنا لأقرب مطعم .. لقينا مشطب .. يا أبو الشباب .. قال : ما فيه إلا حبتين دجاج .. والرز خذ على كيفك .. قلنا الشكوى لله ..
طيب ندخل .. لا .. لازم طلبك سفري .. طيب وين نأكل .. والله أقرب أرضية فضاء .. قدام المطعم .. وأذكركم الجو بارد .. يمكن 3 تحت الصفر .. ومن زود الخرمة .. قارورة بيبسي عائلي أساسية مع الكبسة ..
لكن كانت أيام حلوة .. ليتها تعود ... !!
عطونا .. مواقفكم !!
ناصع البياض !![/align]
إضافة قصص ملطوشة .. خخخخ !!
قلت .. عشان أحرك الموضوع .. شويه .. قوقلت بالقوقل .. وبحثت عن طرائف رمضان .. طلع معي بعض القصص الجميلة .. مع الإشارة لإسم العضو دون ذكر المنتدى الذي أخذتها منه .. << ما أدري يجوز ؟!
~~~~~~~~~~~~~~~~~~~~~~~~~~~~~~
من جد لي أياااااام ماأنساها في رمضان !!
كنت على أيام الثانوووووية
وتعرف دائما أول أيام شهر رمضان ,, تحدث أغلاط كثير
بسبب أننا أعتدنا على الطعام .. فننسى أننا في صيام
قصتي مع الماء
كنت ذاهب للمدرسة .. وكانت الحصة الأولى
وأنا عطشااااااااااان حدي ... ونسيت أني في صياام
وقال لي المدرس ... ممكن يا (..........) تحضر لي أقلام السبورة
من غرفتي ... ؟؟
أنا حد الوناسة
لأني بطلع أغير جو << شيطون وربي أيام الثانوية خخخخخخخخ
وماصدقت على الله جات منه .. خخخخخخخ
المهم وأنا طالع ... على طووووول توجهت
على الماااااااء ... ويالله محلااااااااااه من موووية
تصووووروا أني في حيااااتي ماصاااار باااارد بهالشكل
يعني على أيام الافطار
مررررررة يكووووون بارد مرررة
ومررررررة يكون حااااار حتى مايرويك
هالمررررررة عجيب الموية من جد !!
وربي شربت حتى قلت بس ... وواحد يناظرني من بعيد
وأنا مستغرب من نظراته لي
وأنا نااااااااسي وربي
المهم ... ماعطيته باااااااال
ورحت أحضرت الأقلام ... ورجعت
دخلت الفصل
ألا قال المدرس لي وش بلاك تأخرت علينا
قلت له وبكل ثقة !! << أحلا يالثقة خخخخخخخخخ
والله يا أستاذ شربت موووية قبل ما أروح أجيب الاقلام
الشباااااااااب اللي في الفصل كلهم يضحكون
وبحياااتي ماشفتهم يضحكون بهالطريقة
وأنا ولا في بالي الصيااام
حتى المدرس يضحك بشدة ... مع أنه شديد
ولا يحب يضحك معنا ... تصوروا ما عمري شفت أبتسامته
من يووووم دخلت المدرسة ... ألا هالمرررة
المهم قال لي المدرس (( ...........)) قوم أكتب لنا التاريخ
على السبوووورة
أنا يوم كتبته حسيت بصدمة عنيفة
وربي حسيت أنها صاعقة نزلت علي
وتوني اعرف أني صاااايم
ولا كان أول يوم في رمضاااان
يعني حليتها بمووووية
خخخخخخخخخخخخخ
تصوروا
حتى ما أعرف وش صااار بعدها
ماأذكر وش قالوا .. بعد ماحطيت القلم
وجلست ..
جلست أفكر .. وبالي مو معي !!
من جد ماانساه الموقف ....
الولد النصوووح
~~~~~~~~~~~~~~~~~~~~~~~~~~~~~~~~~~~
اذكر وقت الدراسة بالجامعة صحيت انا وزميلي متأخرين على الافطار وكل ماشفنا مطعم بالشارع وجدناه مغلق وممتلىء وهاات دواره بالشارع حتى وجدنا مسجد بالعليا كان كبير ونزلنا وفطرنا مع السائقين الموجدين وحقيقة اول مره افطر بمسجد لكن كان الاكل حلووووو ...
شرقاوي ..
~~~~~~~~~~~~~~~~~~~~~~~~~~~~~~~~~~~~~~~~
بذكر لكم موقف صار زماااااااااان أيام حنا بالمتوسط....
طبعاً كان رمضان وبعد كان أيام اختبارات نهائية...المهم وحدة من صديقاتي عندها بدولابها كرتون (لبان) علك ومتعودة كل صبح قبل تطلع المدرسة تأخذ وحدة من هالعلك وتاكلها...وذاك اليوم تقوم وتأخذ لها وحدة وتجي المدرسة وتقعد معنا وتسولف نقعد نراجع للاختبار ولا وحدة فينا انتبهت لها انها تأكل علك...ولما دخلنا الاختبار وتشوفها المعلمة المراقبة علينا وهي تجي عندها وتكلمها بصوت واطي تقولها (حبيبتي مو عيب تاكلين علك قدام صديقاتك وهن صايمات...كذا ما يسير لازم تراعين مشاعر الآخرين) وهي تقوم تصرخ وتضحك بقوة وقالت لها وربي اني صايمة بس مدري شلون نسيت انه رمضان...والمشكلة صديقاتي كلهم شافوا ولا انتبهوا...
بس كان هذا الموقف من المواقف الحلوة اللي ماراح انساه طول عمري
مع تحياتي :
طفلة الورد
~~~~~~~~~~~~~~~~~~~~~~~~~~~~~
وين .. الزاحفين .. :واو:
