لبيه ياللـي شوفتـك تبـري العـوق .... ابرة غلا من دون وصفـه ولا شـي
يسري مخدرهـا معـا دم وعـروق ..... ساعة تلامـس جلـدة ايديـك بيـدي
لكن ليا ناظرت فـي كحلـة المـوق .... ايقنت انـي كنـت ميـت وانـا حـي
تعال واحضني على الصـدر برفـوق .... وكمل جميلك بالعطـا واسقنـي مـي
تضنيني بحبـك وانـا بحبـك آتـوق .... لمعانـق ورود حيـت دون مـا ري
ترى المحبه شـي راقـي ومرمـوق .... وانا اعبر لـك عـن الواقـع الحـي
اشتقت لك وآذبح قلبي مـن الشـوق .... امشي على رمضاك وآحسهـا فـي
كني اطير اطيـر وآطيـر لـك فـوق .... لين آتقبض فالقمـر وامتلـي ضـي
في خدك اليمنـى مخاييـل وبـروق .... وفخدك اليسـرى محطـات وضـوي
ربي خلق لكن فـرق كـل مخلـوق .... واعطاك عين رمشهـا ملتـوي لـي
يا محوق من سود النواظر ويا امحوق...لو قلت في عينك سحر يمكن شـوي
لو انك طيري ما لمس رجلك سبـوق ... كاسك براسك وين ما تـروح وتجـي
وآدلعـك برضـاي واقـول معتـوق .... لكنك اخذت ارضاي ما ابقيت لي شـي
دامك هنا منتـه مخلـي ولا سـوق .... ماغير اداري عنـك واتعبـت رجلـي
بس المصيبه والبـلا وآخـر العـوق .... اسبوع في برليـن واسبـوع فدبـي
وانا ع حالـي ليـا اتعبنـي الشـوق .... أقول ( يكفي بعـد ) وآصفـق ايـدي
