(( الهنااديــل )) صوتيّـه .. !!
بسم الله وحدهـ
السلام عليكم و رحمة الله
من جديد أعودُ إليكمـ/ بـ هذا النصّ
من الأرشيف !!
ح ــآله خ ــاصّه !!
قلت 00
[align=center][rams]http://www.alsh3r.com/files/3bdAlr7mn_al3mry/(8).ram[/rams][/align]
[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وقتٍ يميّل بي واعدلْه ويميل = مبطي وانا حالي مع البهذله حال
اصبر على ضرب السيوف المصاقيل =و اقفي عن الحاسد ولا اشيل مثقال
لكن بلاي اني كرهت التماثيل = شيٍّ يسميني به الناس محتال
و الخلق تفرح به من الراس للذيل= و اكبر بلا يومه رفع روس الاذيال
و آنا يصبرني على القهر و الويل= قلبٍ على صادق نواياه ما زال
لا جيت اجامل ما لقيت اي تعليل = للكذبه اللي بالمعاليق تختال
آحسها مرّه على الكبد بالحيل = و اشرب لها من صافي الود فنجال
علّ العذر يسبق خطاياي و يزيل = ذنبٍ لقى بين السواليف مدخال
يا صاحبي خلك من القال و القيل = ما ينفعك بكره هل القيل و القال
شف صاحب الناقه و شف صاحب الفيل = شف كعب وش سوى و شف كعب وش نال
ماني مزينها لك وْرود و اكليل = والاّ مواريها بتشبيه و امثال
الحرمه اللي ما تحصل رجاجيل =تسترجل وتصبح مع الوقت رجال
تآمر و يسمعها (مخنذل و خنذيل)* = تمشي و يتبعها محمّل وحمّال
لا بارك الله في وجيه الهناديل* = ناسٍ برجلين (المَرَه ) تفعل افعال
لا دزّتَه رجل المره كنه السيل = يدهمْك و يزلزل مواطيك لا سال
و ان شافتَه باعَد تجرّ المواويل = لين الخطا يركد على صوت موال
يا صاحبي رجلك و لا مَدحة الخيل = ما بالمشي سَبّه و لا دام خيال
رايك تمسّك به و لو فيه تضليل = ازين من علومٍ بلا قيد و عقال
و الصبح يكشف لك مساري هل الليل = و الليل عيد اهل الخطايا و الانذال
و اللي على شانك يجاملْك و يميل = ياما عشان اللي يعاديك قد مال[/poem]
و سلامتكمـ
* مخنذل و خنذيل / ألفاظ تعبيريه تستخدم لوصف الذي لا حيل له و لا قوه
( من اضاع الأمر من يده و راح يطلبه من ايدي الناس بالرجاء )
*الهناديل جمع (هندول ) و هو قطعه من القماش تربط بحبل من الطرفين و تعلق
في جهه من السرير و يوضع بها الطفل و تحركه رجل المرأه روحة ً و رجعه
لينام الطفل بينما تغني له ما شاءت 00
