تغريدات مشجع لا إنتقاد فيها ولا تطبيل هي عن حال الهلال فقط

بسم الله الرحمن الرحيم

كتبت بعض التغريدات عن حال الهلال في وقت جميعنا يسودنا القهر ..
هي تغريدات بسيطه ولكنها بعيده عن المجاملات لا انتقاد فيها ولا تطبيل
على الأقل لاتحمل فيها أسامي هي تغريدات عن مايمر به الهلال هذا الموسم:

(التغريدة الأولى)

إن كنتم تظنون إن الهلال تغير؟ ماتغير شي كل اللي خسرناه مقارنة
بالموسمين اللي راحوا هو ولي العهد.

الموسم هذا يعتبر بناء على مستوى اللاعبين.

(التغريدة الثانية)

- قلوب دفاع مختلفة
- محاور مختلفة
- وسط مختلف
- هجوم مختلف

الهلال يبني نفسه كغيره، الصبر متعب ولكن هو الأفضل.

(التغريدة الثالثة)

قبل بداية الموسم كنت حاس إن الهلال ماراح يحصل على بطولة
لأنه يحتاج لصبر!

لكن بنفس الوقت معطي نفسي أمل إن الخطوه للخلف هي دفعه للأمام.

(التغريدة الرابعة)

ضريبة الكبار:

كل الفرق الكبيره تحتاج لموسم صعب للتغير، موسم متعب لجماهيرهم!

كل أندية العالم يزورها هذا الموسم واليونايتد أكبر مثال لنا.

(التغريدة الخامسة)

ياليت من ينتقد الهلال مايشوف الفريق من عدة زوايا!

ليت يشوفه من فوق وكل شوي بيكون له باين حتى الزوايا:
وأثار البناء بيلاحظها على الفريق.

.
.

هذا ماكتبت عن حال هلالنا فهو يبني رغم المنافسه وسيعود.

وتعقيبا على آخر تغريدة أقصد بالزوايا كزاوية المدرب أو الرئيس
ولم امنع الإنتقاد لكن تمنيت تكون النظره من فوق حلل كل شي ثم إنتقد.

هذه تغريدات بسيطه من مشجع تمثل رأيه وهو ويشاهد صراع بين جماهيره
بين سامي والإدارة من دمر الفريق أولا، هاجموهم ونسوا حال الهلال

هل الهلال أسوا من الموسمين اللي قبل ؟
هل الهلال نفس اللاعبين لديه؟
هل الهلال التغيرات كانت بداية الموسم فقط أم كانت بداية ومنتصف؟
هل لاعبي الهلال كانوا بقمة مستواهم نهاية الموسم الماضي؟
هل لاعبي الهلال الأن مختلفون عن قبل؟

أسئلة أجوبتها مهمه قبل الإنتقاد

الهلال في بناء ياجماعة والأندية الكبيرة تحتاج لمثل هذا الموسم
لتعيد الترميم بشكل أفضل، والله ان أكثر شي يتعبني هو الصبر لكن هانت!