إذا يهمك الاتحاد اتفضل بالدخول

أول شي السلام عليكم و أبغا أدخل في الموضوع مباشرة بدون مقدمات كلنا عارفين أنه فيه مباراة مهمة و مصيرية و ثأر لنادي الإتحاد يوم الثلاثاء في الشرايع مع نادي تراكتور الإيراني حاب أقولكم يا جماهير الذهب هالله هالله بالحضور ما نبغى زي مباراة لخويا كانت فيه كراسي فاضية كثيرة ، أتمنى أنه نفلل الملعب و ما نبقي ولا كرسي يعني يا شباب إذا أنت رايح الشرايع لا تروح براسك خذ معاك جيرانك ولا عيال عمك أو عيال حارتك.

ثاني نقطة حاب أتكلم فيها هي أنه نبغى مواضيع و هاشتاقات و حملات تحث الجماهير عالحضور مثل هذا الهاشتاق #الثلاثاء_15_ابريل_30_الف_اتحا دي .

ثالث نقطة حاب أأكد عليها هي الفاعلية في الحضور يعني ما نبغى بس الرابطة اللي تشجع نبغى الملعب كله يشجع و ما نبغى أي أحد في الرابطة يسكت.

رابع نقطة و هي أنه لا تتوقع أنه مسار المباراة حيكون زي ما نبغى و هو فوز بأريحية ، يعني ممكن نقبل أهداف لا سمح الله في بداية المباراة يعني بالعربي مهما حصل مهما سار نبغى تشجيع طوال المباراة حتى لو لا سمح الله كان المستوى ضعيف أو حتى لو لا سمح الله أنه نقبل هدف مبكر أو حتى في الوقت الأخير ، نبغى المدرج شعلة من النشاط طوال 90 دقيقة مهما كانت ظروف المباراة.

خامس نقطة و الأخيرة هي الدعاء لنادي الإتحاد و هو السلاح الأقوى.

قيمني إذا أستحق و شكرا عالقراءة.