كل اسبوع يموت عندي 5 من البهم و 3 من النعاج ،،، الفزعة يادكاتره ويا مربين
اغنام - ابل - دواجن - طيور
اولا أنا جديد على عالم الغنم (ثلاثة شهور فقط )
عندي سوداني قليل أمانة ،،، راكب راسه ،،، ومشوار الغنم بعيد 100 كم.
كل يوم ولا يومين يتصل علي ،،،، آآآآي فيه نعجة ماتت ،،،، آآآآي في رخل ماتت ،،،،
جبت دكتور وقال عاملك ذا وسخ ،،، ومراحك أوسخ مراح شفته ،،، وغنمك فيها جرب ،،، وفيها معوي ،،، وفيها أبو رمح ،،،
ووحده فيها طاعون ،،،
وأعطاني سلفا غاليه ومعها مضاد قوي ،،،
وقال ما تطعم لين أقول لك
وقال لي أعط أي مولود (هـ سلينيوم 2سم بالفم + 2 سم بنسلين ابو 75 ريال في الفم ودق أمه 5 سم خمسة ايام في اللحم من العلاجين ، وعشرة سم صابون في فتحة الشرج للمواليد )
وأعطاني علاج أسمه الامايسين ايرلندي بـ 40 ريال ،،، وعلاج اسمه أنالجين ،،، وقال هذي للمزكمة ،،، سواء دافع ولا ماهي دافع
وأعطاني علاج اسمه ivermic وقال دق الغنم ثلاث مرات الكبار 3سم والصغار 2سم كل عشرة أيام
الزبده ،،، الموت شغال ،،، وكلمت الدكتور ،،، وقال أنا قلت لك عاملك هذا نصاب ووسخ ويبيع الشعير ،،، وأنا أتحدى أنه يعطيهم شي لأن السلفا جلست 9 أيام لين خلصت وأنا معطيك جرعة 5 أيام ،،،
ولازم أنت تاخذ اجازة وتعالج الغنم !!! ،،، وانت تعطي 200 راس 3 أكياس شعير و 6 ربطات برسيم شد متر وهذا حالته ،،، مستحيل ،،، وبهمك ما يرضع وشعرته معفنه ،،، وعلاجاتك شفتها في الشمس والأبر عليها مليون ذبابة ،،،
يا أخوان تكفون دلوني على علاجات ،،، انا أعطيها الغنم في عطلة نهاية الاسبوع من مره وحده ،،، لين ألقى عامل ثاني وأطرد هذا الكلب السوداني الي ذابحني بالمعسل والتكوه ودايم أحشره ويطلع كذاب ،،، والله الى الان مات عندي أكثر من 10% من النعاج و50% من المواليد و 30% من البهم أبو شهرين !!! ،،، ويوم قلت له تنظف المراح كل شهر قال لي الأن ترفع راتبي إلى 2000 أو أمشي ،،، ورفعت راتبه الكلب ،،، وأبشركم ضيع ناقتين وقعود لولد عمي قبل ما يشتغل معي !!! وقال لي ما يصلح لك ،،، وأنا جبته معي لأنه راعي سوالف وكان يبسطني عند الأبل حقت ولد عمي ،،، وكنت أحسب شغلة الغنم سوالف وفلة حجاج ،،،
عموما اليوم قفلت معي وطعمت معوي عشان ماعندي فرصه الا يوم الجمعة والسبت ،،، مع ان الدكتور محذرني أطعم الأن لان الغنم معها أبو رمح ،،، وقلت طز ،،، هي خاربه خاربه ،،، وخلني بعد 4 أيام أستأذن من العمل وأدق الغنم كلها علاج سخونة 5 سم ،،، لأني أصلا ما أعرف الي مسخنة من الصاحية ،،،
وبعد أسبوعين أطعمها دموي ،،، ثم أبو رمح ،،، ثم طاعون ،،، ثم قلاعية ،،،ثم جدري ،،، وكل جمعه أجرع البهم بنسلين وأدق أمهاته بنسلين ،،، وأي وحده مزكمه أدقها الامايسين 30% الين يجيني عامل أمين ،،، ولا وش رايكم !!!
;g hsf,u dl,j uk]d 5 lk hgfil , 3 hgkuh[ KKK hgt.um dh];hjvi ,dh lvfdk
