لاعاد تطريني ولاعاد طاريك
السلام عليكم ورحمة الله وبركاته
متواضعة للتواصل
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاعاد تطريني ولاعاد طاريك=من يوم ضلع الثلج من بيننا ساح
تراي مع مطوي الايام طاويك=طي ورقة رزنامة يومهاراح
وش حجتك لاصار كاتبك ماحيك=لقاك كلمة خاربة مالها اصلاح
ردي...وانا اللي مارضيت الردى فيك=خاين...وانا اللي ماسمعت بك نصاح
باير... وانا اللي كنت ادور مراضيك=حاقد...وانا اللي ماشي لك بالانصاح
مبغض ...وانا اللي كنت اعزك واواليك=حاسد ...وانا اللي كنت اناصفك الارباح
ظالم...وانا اللي فالج من يداعيك=قاطع...وانا اللي كنت للوصل مفتاح
عابس...وانااللي بالبشاشة يحييك=عامد...وانا اعدك على الجرح مزاح
اذلف...وانا ابن عبيدلاعاد طاريك=مذلاف قرطاس تقفته الارياح
من غير مستقبل ..وحاضرك ماضيك=مثل ورقة رزنامة يومها راح [/poem]
