صحافة الهلال اللي انشغلت بنقل مباراة النصر.. ما كأنها انقلبت الآية

مساكم الله بالخير جميعاً :rose:

- النصر يحظى بدعم لا محدود من أكبر رأس في الرئاسة العامة لرعاية الشباب

- بيان البربسة

- الدفاع المدني

ما ذكر أعلاه أشياء سمعناها كثيييير في اليومين الأخيرة والسبب نقل مباراة النصر والتعاون من القصيم للرياض

عندي أسئلة أصغر هلالي ممكن يجاوب عليها:

وش دخل الهلال يا صحافة الهلال في الموضوع؟

هل لو ما نقلوا المباراة بيستفيد الهلال؟

هل لو نقلوها بيخسر الهلال؟

الإجابة على كل ما سبق تدل ببساطةعلى أن الهلال ما له علاقة لا من قريب ولا من بعيد

طيب، وش دخلنا فيهم لو يبغون يلعبون في حوش رئيس النصر؟!!

ما كأنها انقلبت الآية

طوال المواسم الماضية كان الهلال الشغل الشاغل لصحافة النصر وإدارته وكانوا يتدخلون في كل شيء سواء يخصهم أو لا يخصهم وكانوا للأمانة مدعاة للسخرية والتندر

للأسف اللي تسويه صحافة الهلال بقيادة التويجري والروقي والبقية -مع إحترامي وتقديري لدورهم الكبير في الدفاع عن الهلال- لكن اللي يسوونه في هالقضية بالذات هو نفس اللي كانوا يسوونه الفقراوية في المواسم الماضية!!

أتمنى يتحدثون في الأمور اللي تخص الهلال بشكل مباشر وحتى غير مباشر لكن نقل المباراة لا يعني الهلال لا من قريب ولا من بعيد

في النهاية، والله العظيم لو تجلى الهلال وكان في يومه فلن يوقفه لا حكم ولا إتحاد كرة ولا لجان ولا حتى نواف بن فيصل..

والدليل مباراة الهلال والنصر الأخيرة اللي أدب فيها الهلال فريقهم الصغير وهزمه بعشرة لاعبين مقابل فريقهم المكتمل ومعهم الحكم اللي أعطاهم هدفين زيادة

كل التوفيق للهلال ولكتيبة سامي