متى تفهم برقررطة النادي الأهلي في الرياضة السعودية ياسمو الامير حتى تحصل على البطولات المحلية بكل سهولة*************** ****************

متى تفهم برقرطة الرياضة السعودية وتفعلها لصالح الأهلي ياسمو الامير حتى تحصل على البطولات المحلية بكل سهولة**** ****


صحيح يابو فيصل يار مز الاهلي انت رجل مثالي وآكاديمي وانساني

لكن مثاليتك هذي ماتنفع ولاتوكل عيش في وسط رياضي عفن موجود عندنا


وانت مدري كيف صبرت وتصبر حتى الآن ومن زمان وبيروقراطيه ( اللوبي الهلالي ) الهلال تجلد فيك وفي ناديك

وآخرها قبل يومين كادوا يضيعون عليك المباراة الاهم والمفصلية
في طائرة الشبح بعد المهزله اللي شفناها وسمعنا عنها

انت ياسمو الأمير مسوي آكاديمية رياضية تعلم الاخلاق الرياضية
في وسط رياضية لايعرف الأخلاق الرياضية ولا المبادئ الانسانية

المفروض وبما انك ولد الملك لابد ياسمو الأمير تعمل خط موازي لآكاديمة الرياضة والأخلاق
وتنشئ آكاديمية بيروقراطية او بمعنى متعارف عليه (لوبي) أهلاوي
يقاوم على الأقل اللوبي الهلالي .. كذلك لوبي اعلامي ماودي اقول عفن لكن مايستحي على وجهه قدام اللي مايستحون على وجيههم
راس حربه يقاتل به الخصوم مثل عادل التويجري الهلالي ( اللي شفناه البارح كرأس حربه موعز من اللوبي الهلالي في برنامج كشنه يادوري
حتى انه وضحها في الأخير وطالب بتنحي نواف بن فيصل النصراوي عن رئاسة الاتحاد السعودي) كذلك اعلام نصراوي مايستحي مع بن شنوان العنزي النصراوي


العالم تجلد في ناديك من زمان بطرق غير مشروعه ياسمو الأمير وانت تتفرج
والأهلاويين يذكرون حسرة خسارة نهائيات المربع الذهبي في الدوري امام الاتحاد
مع حارسنا اللي كان يتعمد يغمض عيونه والمهاجم في النهائي الدوري ايضا
اللي تعمد مايشوت في الانفراده امام حسين الصادق الاتحادي
وفي النهائي الدوري في الرياض لاعبنا الوسط سيء الذكر اللي تعمد ضرب محمد نور رغم انه هادئ وبشده طوال ذلك الموسم
وانطرد في المباراة النهائية واخذ الاتحاد البطولة وبعد اسبوع انتقل لاعبنا للأتحاد

العالم تهبش هبش في البطولات وتجلد في فريقك وانت تتفرج

اما هذا الموسم حكاية اخرى .. النصراويين الان سبقوك
شكلوا لوبيهم .. طبعا برئيس الاتحاد النصراوي

واللي معه عقل وبدون مايشوف يعرف ان فيه صراع لوبي هلالي عميق ولوبي نصراوي ناشئ ومؤثر جديد خلف الكواليس
يظهر على السطح احيانا ..

وكحيلان فهمها قبلك وبرقرطها آخيرا .. ولا يهون الحكم الهوشان اللي تغاظى عن لمسة اليد وكسب النصراويين نقطتين الأثمن
في مشوار الدوري

والرجال كاد يفقد عقله في آخر الدوري وادرك انه يصارع دولة بحجم لوبي هلالي وانه ينطح جبل لوبي
رغم انه اشترى اكثر من 120 لاعب خلال ثلاثة مواسم
لولا مساعده رأس الهرم الرياضي عندنا

لان 15 نقطة للهلال بمساعدة الحكام كانت كفيلة بكسب بطولة الدوري
هذا غير تغاضي الحكام عن منح الهلاليين كروت صفراء تعطلهم عن اللعب
وكسب النقاط حتى اخذوا جائزة اللعب النظيف ظلما وعدوانا

طبعا الاهلاويين مساكيين ماعنده لوبي ولاجيش اعلامي مايستحي .. الحكام متفرعنيين عليهم من بداية الموسم شفنا
الوان الكروت الصفراء والحمراء عطلتهم عن تحصيل كثير من النقاط

انت حتى دوري 2012 كان يقاومك لويبي شبابي مساعد من اللوبي الهلالي
واخذوا البطولة من فريقك ... مع ان الفرصة مواتية لك في ذلك الموسم
(لد ..... السير) ... الى متى نغطي الأوراق العالم كشفت اوراقها من زمان

ما الهلال .. مش حال النهضاويين ,, واعطوهم هدايا بسته صفر ؟؟؟
حنى يستمروا بمطاردة النصر

حتى كحيلان قالها بالفم المليان
(شفنا فيلم هندي )

وضعك مع الأهلي خاصة مع هذا الوسط الرياضي العفن مايبشر بالخير
ياسمو الامير

الهلاليين نقلوا مباراتهم من الشعلة في الخرج الى الرياض بلوبيهم
والنصراويين نقلوا مباراة التتويج من القصيم للرياض بلوبيهم

وانت لعبوك مباراة الفتح في وسط جدة بدون جمهور
رغم ان جماهير الهلاليين كانوا مثل قضية جماهير الاهلي وقلبوها في استئناف لصالحهم


من الان يارمز الاهلي ياابن الملك ياسمو الأمير خالد بن عبدالله
يجب ان تغير استراتيجيتك لانك اذا ظليت بمثاليتك هذي وآكادميتك
تبي تقعد سنين طويله تعاني وتخسر فلوسك الطايلة حتى جماهير الاهلي في النهاية تبي تنقلب عليك وعلى آكادميتك ومثاليتك هذي

خاصة ان فساد منصوري اتحادي قادم اليك مرة اخرى
ولوبي نصراوي جديد ناشئ
هذا غير اللوبي الحكومي الهلالي الأكبر
والنادي العميق في الدولة

فالساحة لاتكون للمثاليين الغير اقوياء في وسط عفن اقوياءه اصحاب النفوذ واللوبيات
انما لسيطرة اللوبيات بالطرق الغير مشروعة

اظنك الان فهمت البرقرطه ,, والله يطول في عمرك ياسمو الامير ..

هذي الحقيقة الكبرى .. والشيء الأهم
بدل اللف والدوران في امور فنية وتدريبية .. تنسفها
بيروقراطيات الرياضة عندنا في غمضة عين