[align=center]عوده بعد غياب
مع التماس العذر منكم[/align]
[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لاتظن اني قصـدت ازعاجـك=وألاّ جيتك اشكي قلّـة مالـي
لا ولا فـي نيتـي احـراجـك=دام قـدرك يالغـلا متْعـالـي
حضرة الوالـي تـرا ديباجـك=ناعـمٍ لـه لمعـةٍ اتْـلالـي
والمريض اللي دواه اعْلاجـك=أدمن اللمعـه ياجعْلـك فالـي
والظلام اللي قشعه اسْراجـك=مالقى مـن يقشعـه يالغالـي
يالغلا فـي ذمتـي محتاجـك=انت تدري بْحالتـي واحْوالـي
فلهـا يالعنـبـوه احْجـاجـك=ابتسم احلى لك وْ أحلـى لـي
ياحلو البسمه علـى منهاجـك=ترْقص الدنيـا علـى موّالـي
ليتني شمس(ن) تنير افْجاجـك=مالغيري مشـرق وْ مدهالـي
وان غربتِ استخدم سلطة تاجك=اصدر امر بْسجْني في منزالـي
الأمانـي لا انْقفـل مزلاجـك=حاجةٍ أسعى لها تسعـى لـي
والله اني ما احتـري افراجـك=دامك تْسوّي الذي فـي بالـي
ولاتظن اني نويـت احراجـك=وانت قدرك يالغلا في العالـي [/poem]
[align=center]وسلامتكم
أحمد العبيد[/align]
