السلام عليكم ورحمة الله وبركاته
بدش على الموضوع على طول وبدون مقدمات (واتمنى الكل يقراه من اوله لين اخره)
وهو موضوع حيل حيل حساس .. لكن شنسوي .. لازم ما نسكت
قريت خبر بالجريدة ان وزارة العدل راح تسوي دراسة وابحاث عن موضوع المشاكل الاجتماعية في الكويت
وراح يشوفون شنو اسباب ازياد الحالات التالية
1- الطلاق
2- تأخر الشباب عن الزواج
3- العنوسة
بصراحة شدني الخبر .. وقلت لازم افتح هالموضوع ونتناقش فيه
الكويت بلد مليانة بالمشاكل الاجتماعية
وتعد الاولى بالخليج ورائدة في هذا المجال على مستوى الوطن العربي
الحل بسيط وسهل
بس بشرط لو اغلب المجتمع تقبله بصدر رحب + تطبيقه بشكل سليم
وراح تشوفون هالشي راح يحل 95% من المشاكل الاجتماعية
طبعاً هالشي اول ما تسمعونه
راح تقولون تخلف ورجعية وسطحية !!
رغم ان الدين حرمه تحريم كامل واعتبره من اعظم الكبائر عند الله بعد الشرك
وراح اثبت لكم بالادلة القاطعة انه مو تخلف ابداً
بالعكس هو التطور على اصول اصوله
وتكفينا الناحية الشرعية بتحريمه
زائد راح اذكر لكم تجارب الغرب والدول المتطورة بخصوص هالموضوع واثبات فشله راح اذكرها لكم
بالصوت والصورة بالمصادر القوية
الا وهو ...
منع الاختلاط الوظيفي + منع الاختلاط بالاماكن العامة .. والاختلاط بشكل عام
صدمتكم صح ؟ :D
اولاً اخذوا نفس عميق .. ادري صدمتكم واثار الصدمة قوية
لكن ما عليه خلونا نكمل الموضوع وراح اثبت لكم بالادلة اضراره على المجتمع من تجارب الدول المتطورة
مثل امريكا بريطانيا اليابان
هذي دراسة امريكية حول اضرار الاختلاط بين الرجال والنساء
1- كثرة العلاقات الخارجة عن نطاق الزواج
2- كثرة الخيانات الزوجية
3- ابتعاد الشباب عن الزواج
(بسبب انغماسهم بالفتن والشهوات)
4- تعرض النساء للتحرش الجنسي
5- تعرض النساء للمضايقات والابتزاز
6- كثرة حالات الطلاق
7- ازدياد النساء العازبات (العنوسة)
8- تعرض الازواج لـ ردات فعل نفسية واحتقار احدهم للطرف الآخر
(بسبب قد ترى المرأة شخص اجمل من زوجها
او يرى الرجل من هي اجمل من زوجته)
خلونا نتكلم بواقعية
الاختلاط الوظيفي عبارة عن مغازل وتبادل فتن وشهوات
وبإمكانكم تاخذون لفة على اي وزارة مختلطة
وشوفوا كل انواع الدعارة --> سوري على هالكلمة بس هذا واقع مرير
مافي امرأة سوية ترضى زوجها يشتغل بمكان مختلط او يحتك بالنساء
بعضهم يقولون ( اهم شي تكون في ثقة بين الطرفين )
لا يا حبايبي
هالزمن مافيه ثقة .. واصلا مافي شي اسمه ثقة
والرياييل عيونهم زايقة .. الحين بوقتنا هذا المتزوج يكلم 600 وحدة
العزوبي جم وحدة يكلم ؟
هذا ما يحدث في الدوامات المختلطة
[IMG]http://im58.********************************************/sih8h9.png[/IMG]
[IMG]http://im58.********************************************/MfIowY.png[/IMG]
[IMG]http://im58.********************************************/j09CU6.png[/IMG]
وهذا فيديو باليوتيوب عن مشاهير خانوا زوجاتهم بسبب الاختلاط بالدوام
+ احصائيات وارقام عن اضرار الاختلاط على المجتمع الامريكي
‫مشاهير خانوا زوجاتهم بسبب الاختلاط في العمل‬‎ - YouTube
هذول وهم اجانب شايفين خير يخونون حريمهم .. فما بالكم الي عندنا ؟؟!!
اكتفي بقول الرسول صلى الله عليهم وسلم
(ماكان رجل وامراة الا وثالثهما الشيطان)
الحين نروح للاختلاط بالسوق والاماكن العامة
وهذا هو اهم سبب في ابتعاد الشباب عن الزواج وازدياد العنوسة
اصلاً السوق الحين ما صار للتسوق
صار للمغازل والمعاكسات
الحين الشباب صار عندهم روتين يومي يروح المجمع يغازل ويدور بنات
ابتعدوا عن الزواج بسبب انغماسهم بالفتن والشهوات
لحد يقولي لو امنعوا الاختلاط بالسوق يصير تخلف
على اساس احنا الحين متطورين مثلاً ؟!؟!
كنا وما زلنا وسنظل ... متخلفين :D
اليابان الاولى بالتقدم والتطور
منعت الاختلاط بكل مكان .. حتى بالقطارات .. يعني الحين اليابان دولة متخلفة ؟ :eh_s(14):
Japan trip - Osaka - Metro - Women only - YouTube
وللعلم عندهم اسواق مخصصة للنساء فقط
واسواق مخصصة للرجال فقط
الغرب بدأ يدرك خطورة الاختلاط
واحنا للأسف نشوفه تطور .. واذا منعناه .. تشوفونه تخلف
البلد مليانه مشاكل
بنات اصل وفصل ومثل الورد ما تزوجوا وذابحتهم العنوسة
جم وحدة خانها زوجها ؟
للأسف الدولة تتحمل جزء كبير من كل هالمشاكل
وكذلك الشعب يتحمل جزء كبير ايضاً
مبتعدين عن الدين
وانضحك عليهم بالاختلاط وقالوا تطور وحضارة وبلد حريات وصدقوا هالكلام الفاضي
وهذي نهايتها
من المؤسف نقلد الغرب بتجاربهم الفاشلة
وهذي بعض الادلة حبيت اشاركها وياكم
امريكا تمنع الاختلاط في مدارسها وجامعاتها
‫الغرب يمنع الإختلاط‬‎ - YouTube
منع الاختلاط يحقق نجاح باهر في بريطانيا
‫منع الاختلاط يحقق نجاح باهر في بريطانيا‬‎ - YouTube
اتمنى لو هالموضوع يتم طرحه بمجلس الامة ويمنعونه
او يرسله لـ احد العاملين في وزارة العدل لتحقيق فيه بما انهم ناوين يسوون دراسة عن المشاكل الاجتماعية
اضراره خطيرة .. يكفي الغرب اثبت فشله
لكن لازم نهيأ المجتمع لتقبل هذا القرار
في ناس انضحك عليها وقالولهم تطور وحرية شخصية
هذول صعب جداً يتقبلون هالقرار .. لازم ينتشر هالموضوع بمواقع التواصل الاجتماعي
وهالمقاطع والفيديوهات لازم تنتشر ونوعي الناس
اسفة على الاطالة .. بنتظار ارائكم .. شكراً
