انا والخادمات .. و الوسواس القهري

السلام عليكم

شلونكم بنات وأمهات

اعتقد من العنوان عرفتوا موضوع النقاش وأكيد وايد منكم تعانون من الخدم بس متحملينهم

لأنهم شر لابد منه

بس آنا يا بنات احس عندي وسواس قهري منهم مع اني مؤمنة بإنه لن يصيبنا الا ما كتب الله لنا

بس الوسواس زايد عندي من عقب سوالف القتل اللي صارت .. صج انه يومهم ولا يمنع حذرٌ قدراً

انا ما احاتي عمري ( مع اني ما ادخل خادمة غرفتي واقفل داري لي ييت انام

بس اكتشفت للأسف اني محتاجتها .. لأن حملي صعب وكله اجهض من اي حركة ايني طلق

لو مشكلة عنق الرحم جان هانت بس انا عنق الرحم زين بس اطلق واجهض من اقل مجهود

وبالإضافة الى اني امرأة عاملة ف احتاج فيما بعد للخادمة تزهب الغدا لريلي لأنه مقزرها عند أهله يتغدى بس ماراح يستمر الوضع وأهو يطلع قبلي بساعتين ويكون يوعان وانا أوصل البيت الساعه 2 الظهر

هم هذا كله مو مشكله

المشكله لو الله تمم هالحمل وعقب فترة حملت راح اضطر اقعد بالبيت واحتاج خادمه وماقدر اروح بيت امي لان فترة الحمل بطولها ريلي يمل بروحه بالشقه .. معناته راح اضطر أستعين بالخادمه عندي

وردينا للدائرة المغلقة ورديت للوسواس

حاليا ماعندي خدم ولما اييب المؤقته ام جم ساعه أتم على أعصابي ليمن تروح


بنات وين المشكله؟ هل الوضع طبيعي ولا انا مبالغه بكرهي لهم؟
كله ادش اليوتيوب وأشوف الخدم مع الأطفال واتبريد من اشوف التعذيب اللي يسوونه بالياهل وآلام والأب مايدرون


شنو الحل؟

ومنو تشتغل خصوصا مدرسات .. تقدرون تعيشون بدون خادمه؟