يالحانـــوتي ... ضاع السائل و المســـــؤول !!
سلااااااااااااااااااام
أرحب يالحانوتي
العذر والسموحــــه على التأخير
والعتب على الإداره والمشرفين اللي مابلغوني بمنتدى المحاوره
وأنا ماقريت أبياتك ألا البارح واليوم جاك الرد
الدعوى وناااااااااااسه
وهذي الوصفه يادكتـــــور :
[poem=font="Arial,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
جيتك ولقافك ممنون=أنا وشعري لك مرهون
آمر وأطلب لومليون=عندي الفرحه ماتنقاس
أبشر بالحل وتاليه=أنا باللي لك بغيه
يالحانوتي أنتا (بيه)=وأنا مندوب اختلاس
بأبياتك جداً مسرور=من قلبي أنا مشكور
بأقطع لأجلك خمس بحور=شايل معي فرد وفاس
الله يسعدك ويسعدني=ولاني ناقد من ينقدني
ولاني مجهد من يجهدني=لو أقضي عمري منحاس
اللي أمتحنك أمتحني=لكن أخد دروسك مني
ذا جواب اللي سألني=علق له بالقلب أجراس
دامك أنت اللي شاريه=فأصبر ترى ربحك فيه
لاتستعجل يالنبيه=يجي خبركم مع (واس)
أحذر منه لاتبكيه=خله كنك مالك فيه
خله يحن لماضيه=من حبك يرقد منحاس
الوصفه عندي موجوده=اربط له ربطه معقوده
خله في دوره محدوده=كنه ضايع وسط أكياس
ضاع السائل والمسؤل=في عالم جداً مجهول
العاقل أصبح مهبول=عالم يمشي دون قياس
قلبك لايصبح مشلول=خله دايم له مفلول
لو تبني داخله اسطول=وتحط لبيته حراس
هذي خطه لك علميه=مدروسه ميه الميه
لاهي فلم وتمثيليه=المكره تمشي بأتراس
حط الخيمه فالصمان=واشرب حليب الذيدان
واقعد مده يا هيمان=حتى يدخله الوسواس
هذا زمان العباير=دارت عليك الدواير
لين اصبحت انت اللي حاير=وأنهد المبنى عالساس
جيت وتبغى إثباتات=هذي يمكن بدايات
فالمحبه لك غايات=زي (نعيمه) مع (دواس)
الحب الصادق عنوان=يبقى مهما كان وكان
ليه القسوه يا انسان=غيرك حابس له محباس
الحب كلمه من حرفين=قلب وقلب أصبح قلبين
لكن تبقى للغالين=حب وصبر وهم وباس
ماتنفع كثر الأعداد=مهما زادت بأزدياد
ذي نارك تبغى إخمـاد=منظر يحبس له أنفاس
حانوتي يسأل راكان=مايدري قلبي مليان
باللي حب وباع وخان=خان اللي قلبه حساس
ياويل اللي خان وويل=قلبه عايش بالتظليل
ماله لاراس ولاذيل=طار وطاح (بن فرناس)
خل دروبك دايم سندا=لو تآصل لين أرض الهندا
لاتشرب ببس وميرندا=أعطش وعروق يباس
الحب العادي مجاني=لاتنزل تحت البنياني
خل لحبك عنده شاني=حتى يهنالك مجلاس
لاتصبح لأمره منصاع=مهما حار ومهما جاع
خله يصبح لك مطواع=أوزن وضعك بالمقياس
كانه راضي بالتنكيد=معك اسلوبه كالحديد
أبعد منه وش تريد=عادي لو حبه ينداس
دور من يغليك وغالي=اللي ماهو بستغلالي
لكن غيره عزتالي=تعوذ من كل خناس
أدري عذبك وعذبني=هذا الحب كم هو كهربني
ناسب عالم ماناسبني=وياكم مره هد الباس[/poem]
