فلم هندي ( قصيده )

قصيدة الشاعر الهلالي المبدع هاني الدهماني @hani_aldhmani
بعنون ( فلم هندي )
تدري !! وش اللي يا فهد يرفع الضعط
في عالم الكوره .. من أيام جدّي
بقول لك : وأسمع ! وخلك على الخط
أما تأيدني .... أو تكون ضدّي
لامن لعبت !! وثمْ خبطت الخصم خبط
تفوز .. بإستحقاق ! وفن ! وتحدّي
تدقّه ... إبخمسه وسته على الشرط
طول السنه .. وأنته تعشي ! تغدّي
عندك زمام الأمر !! والحل والربط
وراسه ! مابين الناس ما كان يبدي
عشرين عامٍ ... زانطه يا فهد زنط
ألين سمّوه ... "الفريق المصدّي"
بطيت حتى إكبود من شجعه بط
من مابهم صاحوا :"أيا فقع كبدي"
مثل الهلال ! ونادي النصر بالضبط
عفوا !! ذكرت أسماء ما كان ودّي
لكني !! أشوف الأمر صار به لغط
وحاولت أعدّي !! بس عيت تعدّي
بالغصب ! بالقوه ! وخذلك من الخرط
كلام جاهل .. والبراهين عندي
أهدافكم !! ثلثينها من ورى الخط
والثلث الآخر .. من عميلٍ مفدّي
ودلهوم .. يوم إنه لقط كورته لقط
بيديه !! وإعيون الحكم به تلدّي
ماصار ببطولتك ! ماقد حصل قَط
دفعك رباعي ! دفع زوجي وفردي
وإبطولتك صارت كما "زيجة الرهْط"
جابت ولدها ! والنصر قال : ولدي
من عاش في حرمان يستنكر البسط
ومن طار بالعجّه ..... لزومٍ يهدّي
فقير فكر .. وتعشق الشيل والحط
وأنا أحمد الله !! يوم إني شقردي
أربع بعد خمسين !! ما نعرف القنط
منته منافس لي ..ومنته بقدي
بالأربعه زعيمنا ! شاخطك شخط
يعني ! حسب مفهومكم "فيلم هندي"