[align=center]أحبتي الكرام هنا في غرابيل .. اسعد الله اوقاتكم بكل خير ومسرّة
صوت وصدى بيني وبين الشاعر القدير / دلقم بن مسعود اليامي .. آمل أن تحوز على رضاكم وذائقتكم الشعرية[/align]
[align=center]البدع [/align]
[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
قمة جبل ولا ربى في الدهاليس=دلقم ولد مسعود والجد يامي
فرخ الحرار ومن خيار القرانيس=من لابة ً تروي عطش كل ظامي
سلام ماتذري هبوب النسانيس=يامعرّب الجدين حرن قطامي
جمعت بين فجوج ذيك النواميس=لك سمعة ٍ في مجدها العلم سامي
وتسوقني لك محكمات الهواجيس=سوق النقى وانت الخبير المحامي
ونقيت من فكري جميع الحواسيس=واخترت منها يالسنافي سلامي
عبر النشامى طيبين المغاريس=وحملتهم فوق السلام احترامي
ياراعي السمعة همومي محابيس=هم ٍ على هم ٍ يرص العظامي
وكل السبايب لي عيونه نواعيس=عليه من داخل ضميري ملامي
عامين مدري وش حصل من وساويس=مدري من التفكير وإلاّ غرامي
سقت المطايا والمطايا مكانيس=يالعنبوه الحب جدد هيامي
واليوم ياشوق البني المراويس=روّح وأنا رحت الطريق النظامي
عديت في راس الرجوم المحاريس=تايب ومقفي يارفيع المقامي
ومادام في حب العذارى جواسيس=بازبن على دلقم وأجدد سلامي[/poem][align=center]الرد[/align]
[poem=font="Simplified Arabic,6,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
رغم المسافة واختلاف التضاريس=جات العلوم اللي حظت بإهتمامي
كني غني وكن غيري مفاليس=من يوم حطيت الرسالة أمامي
اشوفها مثل الفرج للمتاعيس=ولولا غلاها كان طوّل صيامي
من واحدن ماهوب راعي دنافيس=رجل ٍ على كسب المراجل عصامي
مراجل ٍ تبنى على خير تأسيس=ماهيب رمية ليل من غير رامي
رعد الخفوق وله بروق ٍ مقابيس=سيل ٍ صفوق ٍ كنه الموج طامي
يلغي سناء برقه جميع الفوانيس=لو انها كثر الجراد التهامي
معذور من يشكي طعون الدبابيس=دام القراد أذّى فحول الجهامي
ابليس غيره يالجعيدي أبليس=أوادم ٍ با ألقابها والاسامي
بسبابهم الاحلام صارت كوابيس=متكدر ٍ منهم صفاي ومنامي
كان المحبة تاليته معاريس= وإلاّ بلاش من الشقى والاثامي
جعله فداك اللي خلاف الكواليس=فعله حرام وهو براسه حرامي
ولو قيل عن روما ولندن وباريس=هم شعب متقدم وحن شعب نامي
ماحن بأهل غرٍه وجرّت مراويس=حنا الرجال اللي عليها الكلامي[/poem]
