يحبني وابيه زوج تعالن نعنبوحظي :"(

مرحبااا جميعا ً ..



ابي البنات السنعات تكفون ساعدوني ، من الاخر انا حبيت شخص بالنت وجذي وبيني وبينكم ابي اضبطه ، الحلو بالموضوع انه من قبيلتي وبنفس الفخذ بعد ، وهو يدري بهالشي ، هو له شأن كبير بامور الطلبة وجذي ، وبحكم اني طالبة باحد الكليات ، فكلمته عشان اسأله عن امور التسجيل والمعدلات وجذي ، ولمن درا اني من نفس قبيلته قاللي انا بساعدج بالللي اقدر عليه ي بنت عمي وماني مقصر معاج ، الزبدة ي بنات انه حبوب وجنتل حيييل معاي ، كلمته بالكك وبعدين حولنا ع البي بي ، احسه متعلق فيني ونفس عمري بالظبط ولمن درا اني من نفس فخذه استانس اكثر وحسيت له مرتاح لي ..



المهم ي بنات مشكلتي اني ودي اجذبه بشخصيتي واسلوبي ، احس اني هبلة وماعرف اسولف معاه وربي ماودي اضيعه من ايدي وودي بعلاقة حب تجمعني فيه وتتكلل بالزواج ! :$

بنات ودي مايفارقني وعلى طول يكلمني ، هو بالحقيقة دايم يسأل عني وجذي بس احس ببرود بالعلاقة من ناحيتي ، حيل اراقب تصرفاتي وخوفي اخسره ، حبيته حيل وتعلقت فيه ، تقريبا خذينا 3 اسابيع ع هالعلاقة !


بس ابي تكون لي شخصية وابي اكون عووبة وقرمة ، لان شخصيته ضعيفه نوعاً ما ، شنو تنصحوني ؟ وشنو الاشياء المفروض ماقوله له ، يعني اللي بينقد ان درا عنهاا ،،


واي صح عطيته اكاونتي بالانستقرام وانا موحيل فيه لووول ، ابي اخليه نشط عشان يعرف شخصيتي عن قرب شرايكم امانه !!




اي بنات ترا هو يعرف كل شي عني اسمي وعمري وسألني ذاك اليوم اذا مرتبطة ولالا لووول


امانه قولوا ماشالله وادعولي ان الله يخليه لي والله يرزقكم بالمثل وابيكم تساعدوني قد م تقدرون ! واللي تبي تقول حجي ماينقال هني تقوللي بالخاصواعطيها الكك مالي اذا تبي المهم ساعدوني تكفوون







اللي تبي تشتط وموعاجبها الحچي بلييييز مابي اشوف تعليق لها ، والباقي حياكم الله ..