بسوي عرس واهله ماراح يحضرون العرس تعالو ساعدوني
مرحبا عرايس
انا مملجة وماخذه حبيبي بغيت استفسر
زوجي جدته متوفيه واهله مايبون عرس وقالولي كيفج اذا بتسوين
لأن انا وحيدة بابا وماما وابي استانس بليلة عمري
وكل الناس ناطره عرسي فبغيت اسألكم
اهو راح يدفع كل شي من ناحية فندق وبوفيه وديجي وبطايق
بس اهلي وجماعتنا ورفيجاتي يعني بحدود 150 شخص معزومين من طرفي
واهوا اهله ولا احد فيهم راح يجي العرس وانا بدويه واهو حضري وودي اسوي عرس بس بطريقه حلوه
محد يقول وين اهله وليش اهل العروس بس بالعرس ومن ناحية البطايق شنو اكتب بس ام فلان تدعوكم لزفاف ابنتها
او لازم ينكتب اسم ام المعرس
ياليت تفيدوني والله متوهقه وابي استانس بليلة عمري
احبكم
