مشاكلي كيف اتعامل معها

السلام عليكم بنات

بنات انا كتبت لكم من قبل عن مشكلتي مع اخوي ووايد تساعدتوني معنويا بس ماقدرت اطبق معظم اللي قلتوه واليوم ابي اكمل لكم شغلات

اهم شي بنات ابي تقولون لي شاسوي شلون اتصرف مابي لوم وعتاب ودايم تذكروا ان اللي يده فالنار غير ومارح يحس فيني الا اللي مر بموقفي

عمري 38 انا البكر وماتزوجت خواتي تزوجو من زمان
بيتنا اغلبه شباب .... المهم عام 2005 شهر 6 او 5 صادوني اكلم واحد وهني بدت الماساه صكه وحكره وشكوك واستمرت لين الحين 2014
مافي حقوق مافي زيارات مافي علاقات
خلكم من هاي كله المشكله الكارثه امي قاعده لي قعده طفرتني قاهرتني حاررررقه اعصابي ماذيتني ماتتخيلون كل شي بحنه بهواش بمشاكل لدرجة الواحد مايطلب احسن والله لو كل يوم تطلع وانا قاعده احسن عندها
كل هذا عشان تطفرني واتزوج أي حد يجيني بس بنات زاااااااادت الجيله خلاص صار بطني يعورني من المشاكل مادري قولون مادري تعبت تعبت ماتزهق ماتمللللللللل ابد وراي وراي
المشكله ماتقعد فالبيت والسياره اللي تطلع فيها انا شاريتها عشان الدوام والسايق انا ادفع راتبه قهر ياناس قهر
اعطيها كل شهر اقول بيحن قلبها بتقول بنتي ماتقصر مافي فايده ابد
لدرجه من تصير مجموعة اعراس او مناسبات على طول اتوماتيكلي اشتري لها على طول يعني حتا ماتفكر العام واخييييييييرا رحنا دبي تبي ناخذ لها كلتش غوتشي بس ماحصلنا عقب خذت لها من جلابيات جميرا الغاليين وانا الوحيده اللي شريت ردينا الدوحه خذت لها كلتش كارولينا هيريرا عشان الاعراس من فتره طلعت موضه اسواره وهي تبي لون معين رحت السوق شريت لها اللي تبيه واغلى من اسوارتي دبل السعر تقريبا وقدامها وتشوف ولاتحن استغفر الله
طيب تخيلوا لو ماتزوجت لين متا اقعد على هالحال كل يوووووووم هواش لازم تطفرني لا لا لا بكره واذا ماتبين كيفج يجي بكره تقول والله مادري ايش فيني تعبانه مع انه مشوار للصالون فالفريج انطر بعد بكره تقول اليوم معزومه اذا تهاوشت مافي فايده واذا سكت تفتك وتطلع الحين مسويه اشتراك في صالون في فريجنا لازم ادفع مبلغ الكورس كامل قبل ابدا ودفعته وهي تدري والحين تناحسني ماتبيني اروح كل يوم سالفه بنات هاي مجرد مثال عاد قيسوا كل شي جذيه ملللللل تعبت حتا شكلي صار مكشر من الضيقه وهي مستانسه تحس انها قويه لانها تقدر علي لان امي اصلا شخصيه ضعيفه وما استقوت الا علي بالنسبه لابوي مايتدخل في سوالفنا ومامن ان امي توديني مايدري ان كل شي بالهواش والمشاكل ..... من فتره سافروا لندن اعفست الدنيا عشان مااسافرعشان اقعد فالبيت بروحي واذا جاني فارس الاحلام اوافق وياليت حد جا عدل الا مره سكير و مره محشش مادري شاقول لكم بس خلاص ماعاد اقدر اتحمل ةالله يابنات اني استغفر ولله الحمد واتصدق واول ناس اتصدق عليهم اهل امي لانهم فقاااااارى ماتتخيلون والحين واحد من اهلها عليه محاكم وكل فتره ندفع له مااقول تمنن بس عشان تعرفون الوضع وهي تعرف المبالغ اللي دفعتها وعادي عندها ماتخاف الله فيني تشوفني مقهوره محتره كله مكسور خاطري وعااااادي وحتا اذا رحت مكان تحن تطفرني تخرب الطلعه اصلا لين اتصلت علي ماتقول خلصي لا تقعد تصارخ وتهاوش ولانها امي فالكل مصدقها وانا المجرمه وتقسي قلوبهم علي وتكرههم فيني اني مزهقتها في عيشتها واني ثقيله عليها مع ان اخواني حرقوا اعصابها في دراستهم وسلفيات واللي جات عليه فتره سفرات مراقص وغيره بس لاحول ولاقوة الا بالله من فتره بديت افكر خلاص ابي اموت لان هاي مب حياه كاني كرسي او طاوله مالي كلمه او راي بعض اخواني اذا قعد امي ماترد علي اذا كلمتها يعني شوفني سافهتها لان هو اللي صادني اتكلم بس خلاص من عشر سنوات هالشي .....ارررررجوووووكم ابي تعرف شلون اتصرف معاها وايد متعبتني في حياتي تضايقني تقهرني وتقعد تبتسم بالذات اذا قدام حد تستعرض قوتها والله يابنات مااكذب عليكم بس ابي حلول عمليه ابي 1 2 3 ابي تصرف ابي ردت فعل مابي لوم وعتاب لوسمحتوا