تعالوا نعيش بالجنه♥ *موضوع شامل بإذن الله حياكم

السلام عليكم و رحمة الله وبركاته:eh_s(17):
والصلاة والسلام على نبينا محمد صلى الله عليه و سلم.

منو فينا مايبي يدخل الجنه؟
منو فينا مايبي يشوف وجه الله تعالى؟
كلنا نبي صح؟

بس شلون نوصل لهالشي؟

( انما الدنيا فناء ليس للدنيا ثبوت )

نبي نستمتع بحياتنا صح؟ ليش مانستمتع فيها عدل؟
ترا الاستمتاع عمره ما كان في معصية الله سبحانه

الحين تسمعين اغاني وناسه صح؟
مافكرتي بالعذاب اللي بتحصلينه بالآخره؟
(ومن استمع إلى حديث قوم وهم له كارهون صب في أذنه الآنك)

تدرين شنو يعني؟ يعني الرصاص المذاب الحااااار ينصب باذنج! *والله أعلم*
الحين اذا دش باذنج شي او طحتي عليها تذبحج! شلون الشي الحاااااار؟

اوكي واللي تلبس ضيج وتطلع ولبسها مفصل جسمها تفصل وعيون الناس عليها؟
شنو بتستفيدين؟ اوكي قالوا الله حلوه ناااار-.-
الله راضي عنج؟ اهلج؟
والله كلامهم واللي بيسوونه ماراح يدخلج الجنه :(
شنو العيب انج تلبسين عبايه وسيعه تستر جسمج؟ او لبس عادي مو ضيج كلشّ
مو الناس بتحترمج؟ والاهم من هذا الله سبحانه رااضي.

امج وابوج..
عصيتيهم ماتلبين طلباتهم ماتسمعين كلامهم تحقرينهم تقولين اففف وافففف وشنو هالعايله!
امانه مو حرام عليج؟ خافي الله !
مو اهم تعبو على تربيتج!
هذا جزاهم الحين؟
رضا الله سبحانه من رضاااهم
شاللي يمنعج من انج تبوسين راسهم كل ساعه؟ لما تطلعين و تدشين و بتنامين و تقعدين
عااادي هذا اجر مضاعف باذن الله:eh_s(17):
كلمه حلوه منج لهم. تسمعين كلامهم. والله بيستانسون حييل
وشنو احلى من انه تشوفين والدينج مستانسين؟:eh_s(2):
اسأل الله ان يكونون راضين عننا يارب ويرزقنا برهم يااارب واللي امها وابوها متوفين عسى ربي
يرحمهم ويغفرلهم ويجمعكم بجناته يارب

*هالموضوع باذن الله كل يوم او كل فتره باذن الله بتطرق لشي وابي مساعدتكم فيه:eh_s(15):
عندج شي تقولينه؟ تخليننا نزيد ايماننا؟ ابيكم تتفاعلون معاي عشان باذن الله كلنا نكسب رضا الله وندش الجنه:eh_s:

ثواني واكمل + ابي تعليقكم

احبكم & أسأل الله لي ولكم ان يرزقنا الجنه ووالدينا وكل اللي نحبهم يارب:eh_s(17):