Concealer tricks

كثير اسمع بنات يشتكون من الكونسيلر تحت العين بشكل خاص انه يتكتل او يخطط او يدهن او ..او ..او

اليوم حبيت اتكلم عن خطوات مهمه للكونسيلر يمكن شكلها تاخذ وقت بس اهي كلها على بعضها ماتطول دقيقتين

http://www8.0zz0.com/2014/03/26/07/976746623.jpg

أول وأهم خطوه الترطيب

اذا اغلب الكونسيلرات تخطط او تتكتل تحت عينج سئلي نفسج هل قاعده ترطبين بشكل دايم هالمنطقة؟

انا عن نفسي ما انصح انج ترطبينها قبل الميك اب مباشرة لان اغلب المرطبات تكون دسمة و دهنية و اذا تبين ترطبين قبل الميك اب لازم تنطرين عالاقل من 10 الى 15 دقيقة و هالشي مو عملي.. الافضل انج ترطبين العين وقت النوم و انا احب هالمرطب من كيهلز بالافوكادو وايد غني و دسم علشان جذي ما افكر استخدمه الصبح

اذا كنتي تبين شي سريع الامتصاص حق الصبح جربي الكريمات اللي يكون قوامها مثل الجل او السيروم … من شانيل او سالوران

اذا كانت المنطقه جافة راح تمتص اي ترطيب موجود بالكونسيلر و النتيجه راح يصير ناشف و يكتل تحت عينج

لا تحكمين على اي كونسيلر قبل لا تتأكدين من هالخطوة انج مرطبة المنطقة بشكل كافي


http://www8.0zz0.com/2014/03/26/07/348415530.jpg

ثاني خطوة: وضع الكونسيلر

في ناس تفضل الفرشة و في ناس تفضل بايدها

انا عن نفسي افضل الايد او البيوتر بلندر .. مالقيت فرشة ماتخطط معاي للاسف

اذا كنتي تستخدمين اصابعج .. حطي الكونسيلر على الصبع الرابع اللي اهو اصبع الخاتم

ليش هالاصبع؟ لانه ارق صبع من الاصابع بالضغط ..

حطي الكونسيلر وفركيه بالصبعين نفسهم من الايدتين كأنج قاعده تسخنينه … الحراره اللي تنتقل من اصابعج راح تسهل دمج الكونسيلر على بشرتج و راح يتوزع بشكل افضل

و بعدين وزعيه تحت العينتين باستخدام الصبعين نفسهم .. وعلى فكره.. حتى كريم العين المفروض تحطينه باستخدام هالصبعين..



واذا هالطريقة ماتنفع وياج او تحسين التوزيع بالاصابع ياخذ وقت .. مالج الا البيوتي بلندر

جد جد عجيبه حق الكونسيلر و سهله و ماتاخذ اي وقت او جهد .. برايي ماكو اداة افضل منها حق الكونسيلر

http://www8.0zz0.com/2014/03/26/07/649290188.jpg

ثالث خطوه علشان تتأكدين ان الكونسيلر مايتغير شكله خلال اليوم بعد الفاوندشين ثبتي المنطقة هذي ببودرة حره شفافه

من انعم البودرات اللي جربتها بودرة ميك اب فوريفر الشفافه اتش دي

وهم من انعم الفرش اللي جربتهم بحياتي فرشة ايكوتولز ديلوكس فان

اهم شي ماتحطين البودرة عالكونسيلر و بعدين تحطين فاونديشن فوقها ..اكبر غلط

البودرة لازم تكون الخطوه الاخيره

مايصير تحطين اي شي سائل او كريمي فوق البودرة لان اكيد راح تكتل



نقطة اخيره بما اني قاعده اتكلم عن الكونسيلر لمنطقة العين .. لا تستخدمين كونسيلر جاف مثل اللي يكون على شكل حمره

هالكونسيلر يفضل انج تخلينه حق باجي عيوب الويه مثل الحبوب او الاحمرار بس مو حق تحت العين لانه حيل حيل جاف

الكونسيلر السائل افضل