حمد سالم الضوي وعبدالله رجاء الجعفري

حمد سالم الضوي وابن رجاء

اخوي حمد يقول. .

وطــن عربنــا ينتـفــظ ويــتراعش
وأوضـاعهم كـ مسلميـن مهــزوزه


يقتل بهم حزب النصيري وداعش
وصدورهم فيهــا الحراب مغـروزه


وحنــا هنـا ماباقي إلا إنتفــاعش
كــلٍ يبي كــاس البطولـه يحــوزه


أعيش جوّي وانت مثلي كذآ..عِش
مـاحـدٍ بحــال إلا فــريقـــه وفــوزه

(حمد الضوي)


هنا مجاراتي لاخوي حمد الضوي ...

سلمت ياراع البيوت النواعش..
ياللي قصيدك لمعته من بروزه..

غيرك بيوته من رداها تكاعش..
من طرقها بين القصيد محزوزه..


هيضت في قلبي هموم(ن) تداعش..
من سبة الواقع وكثر المعوزه..


الجيل هذا جيل قرق ومراعش..
يرعش ويلعب والمصايب تلوزه


عبدالله رجاء الجعفري