-
@@مـلفـى الــهــجــوس @@
مساكم الله بالخير
واضع بين ايديكم هذه البويتات المتواضعه واللتى اتمنى ان تنال
الرضي والقبول
[poem=font="Simplified Arabic,5,blue,bold,normal" bkcolor="white" bkimage="" border="outset,4,gray" type=2 line=0 align=center use=ex num="0,black"]
مرحبا بالهاجس اللى ماوراه طلابه = قدح راسي لاضوى همى وضاق البالي
من صلاة العصر باد ٍ في حجا مرقابه = احترى وارقب حضوره فالطويل العالي
جايني كنه خيول ٍ في ظهرها لابه = ايغزون ويكسبون ويـِزبنون الجالي
لالقوا راعي مظاهير ٍ يحث اركابه = جنبوا عنه .. وتلقّاله خريم ٍ خالي
كن واحدهم مبصّم مايرد الجّابه = ضاربلّه جمع قوم ومردف ٍ خيالي
سربة ٍ وعيال عود ونارهم شبابه = تفرح بصوت النذير ولطمة العيّالي
وان حضر وقت الملاقا وردوا الهيابه = وآخذوا ثار الهنوف اللى رمت بالشّالي
جايهم رد البري من ربعة ٍ حرّابه = وركبوا فوق الاصايل ملحقين التالي
واهجدوا دار المعاديّه هجاد ذيابه = وآخذوا كل الجمال ولابقي جمّالي
ومن سلم منهم بعمره سالم ٍ بثيابه = ويحمد ربه .. ويرجيه العوض فالمّالي
هذا انا والهاجس اللى حى ابو ماجابه = لاطرالي عقب مده في حدا الاطلالي
لين يمسي بيت بدو ٍ مجودين اطنابه = لو تهب مع الصبا ريح الشفا ما مالي
ودى اطربّه واسلّى خاطرى وأسلابه = كود اخفف ماعلى متنى من الاحمّالي
كلها من موقف ٍ جا ماحسبت حسابه = هرجة ٍ جتنى من القايل وسمّت حالي
من رفيق ٍ كنت احشّم لحيته وأشنابه = مير فرّحبي عدوّى وأشمت العذالي
والله انى قبل مايبدا الردى ما ارضابه = وأفتديه بكّل مالى لو يبا وعيالي
وأثره اللى كلّ ماقفّى يحد انيابه = والسّهم لاجا من الصاحب يجى قتّالي
مار ابمسحها بوجهى لو تشّد اعصابه = وأرتفع وانسي مدام الله رفع منزالي
والحبيب اللى يزاول صدّته وغيابه = ليته يعّود وينعش خاطرى بوصالي
يدرى انى من غلاه اهوى وأحب ترابه = وأعشق ارض ٍ داسها بالساق ابو خلخالي
ويدرى انه ساكن ٍ بين الجفن واهدابه = وانّه عيونى وروحى والحبيب الغالي
ويدرى انى بين نار ظنونى الكذابه = هو ..نسا .. والا سلا .. والا يحب ّ بّدالي
ماحد ٍ غيره خذا قلبي ونال اعجابه = مير عرضنى تهاتيه الخلا واللاّلي
ولابقا من ذكرياته كود ريح خضابه = والحلوم اللى بنيناهــا مع الآمالي
وهذا والهاجس اللى حي ابو ماجــابه = قدح راسي لاضوى همى وضاق البالي [/poem]
-
ارحب يابو علي .. حيه وحي ماجاب !!!
لو الوقداني حي قلنا هذي للوقداني .. كتمت انفاسي يامحمد .. كنا في معركه منقوله على الهواء مباشره .. لكن الحمد لله اسلحه قديمه !!!
تقول :
كلها من موقف ٍ جـا ماحسبـت حسابـه
هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه
مير فرّحبـي عـدوّى وأشمـت العذالـي
ياسلام .. هذي حال الدنيا يابو علي .. ماكل من يضحكــــــ لكــــــــ يحبكـــــــ !!!!
المهم سلامتكــــــ وسلامة الغالي عندكـــــــــ .. لاعدمنا هالطله ..
صح لسانكــــــــــ يامحمد وفالكـــــــ المليون باذن الله ..
تقبل كل الود ..
-
وهلابك
يامحمد
حيك الله
وحيا ما جبت
‘
‘
‘
‘
كلها من موقف ٍ جـا ماحسبـت حسابـه
هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه
مير فرّحبـي عـدوّى وأشمـت العذالـي
الله عليك الله الله
عزالله ابدعت يا محمد
صح السانك
مدد
دمت بخير
-
أخوي محمد السليس
صح لسانك واعتلا شانك
رايعه ووافيه من وافي
لاخـلا ولاعـــدم
لك فائق احترامي وتقديري
-
استاااذ يابوعلي استااااااااذ
لله درك
وصح قلبك وكلك
جزل ومبدع دوما
تحيتي لك
-
كلها من موقف ٍ جـا ماحسبـت حسابـه
هرجة ٍ جتنى من القايـل وسمّـت حالـي
من رفيق ٍ كنت احشّـم لحيتـه وأشنابـه
مير فرّحبـي عـدوّى وأشمـت العذالـي
والله انى قبل مايبدا الردى مـا ارضابـه
وأفتديه بكّـل مالـى لـو يبـا وعيالـي
وأثره اللـى كـلّ ماقفّـى يحـد انيابـه
والسّهم لاجا من الصاحـب يجـى قتّالـي
اخوي محمد صح لسانك والله لايهينك ياجزل
تقبل تحياتي
ودمت بخير
-
الشاعر القدير
محمد السليس
صح لسانك
ابيات راااااااائعه
لاهنت
-
محمد السليس
صح الله السااااااانك لحدود رضااك
صورة واقعية لحال السواد الأعظم
من ظاحكي الوجية
أفاعي الغيااااااااب
تحيااااااااتي
-
ابو علي
صح لسانك
كما عودتنا لا يرافق اسمك سوا الجماااااااااااااال
سجل اعجابي
.......
-
محمد السليس
صح لسانك
ابيات راااااااائعه وشاعر متمكن
لاهنت
-
ابوعلي
جعلك تحيا يالخال
ماهي غريبه عليك جززززل ولا تجيب غير الجززززل
ماتسدها هالنجوم
لكن يكفيها فخر انك شاعرها
صح لساااانك
ولاهنتتتتتتتتتتتتتت
النااااايف
-
محمد السليّس
.
.
حضور لايشبهه حضور
متفرد بالإبداع والتميّز والجمال ..
بجد نشتاق لنزفك وبوحك أيهاا الرااااقي.
.
.
ولنا عتب : وين ديوانك التفاعلي ..!!
-
,
,
لا يستغرب الجمال لاجا من مصدر جمال
وحرفك من ارقى الحروف واميزها يا محمد السليس
انت شاعر لا جدال حول شاعريته ومبدع لا تنضب عيون معانيه
ولك مكان رفيع في عالم الجزاله , وانا من اشد المعجبين
بكل ما تنظم من ابيات تضاهي بتفردها الدرر
دمت مبدعا ودام استمتاعنا بابداعك
,
,
-
,
,
,
الشاعر القدير محمد السليس:
شاعر رائع وشعر أروع
ونزف له ميزته التى لاتنتهي
صح قلبك وكلك
ولك أعذب تحية
وفالك المليون
ومافيك حيلة.
.
.
-
الذيب مايهرول عبث!!!
كلها من موقف ٍ جـا ماحسبـت حسابـه
هرجة ٍ جتنى من القايل وسمّـت حالـي
من رفيق ٍ كنت احشّم لحيتـه وأشنابـه
مير فرّحبـي عـدوّى وأشمـت العذالـي
والله انى قبل مايبدا الردى مـا ارضابـه
وأفتديه بكّـل مالـى لـو يبـا وعيالـي
وأثره اللـى كـلّ ماقفّـى يحـد انيابـه
والسّهم لاجا من الصاحب يجـى قتّالـي
مار ابمسحها بوجهى لو تشّـد اعصابـه
وأرتفع وانسي مـدام الله رفـع منزالـي
لله درك ..يابوعلي
من كانت عادته هذه لا يستحق ان تلتفت اليه
صح لسانك مدد
اعجابي ومودتي
