القلق والتوتر في فترات الخطوبه والملجه !!

السَّلامُ عَلَيْكُمْ وَرَحْمَةُ اللَّهِ وَبَرَكاتُهُ
شلونكم بنات ؟
بنات تكفون ابي من خبرتكم وواقع تجربتكم
احس اللي امر فيه مو طبيعي يمكن فيني وسواس
يعني ايام الخطبه بالنسبه لي هم ثقيل
وبعدها الفحص اعوذبالله اقعد افكر كل شوي
ماتتصورون كل الامراض تتطري علط اقول يمكن فيني سرطان واخاف
على اني الحمدلله طبيعيه مافيني اي شي وبصحتي وعافيتي
بس صابتني عين قويه سببتلي قلق فظيع وتوتر بكل امور حياتي
انا حيل تعبانه ماادري هالشي طبيعي اللي امر فيه
والله التفكير اللي افكره واحاتي الفحص موطبيعي
وبعدين الفتره من الفحص للملجه تفكير
وامي الله يهديها اقوب لاتسوين فيني جذي شايله هم شكبره شتلبسين شتسوين شتحطين
راح تطلعون اشلون مالون تعبت وربي
وكل شوي روحي اشتري روحي سوي
اقولها لا تعيشيني بهم كرهت حتى السوق والتسوق بديت اكره كل شي
والله لدرجه اني ابي ابجي من توتري الزايد اوصل لاتعس مرحله من القلق
ياربي المفروض تكون احلى ايام ؟؟؟؟؟
بنات شسوي ؟؟
الحمدلله انا اصلي واخاف ربي واقرا قران ولي ورد بكل شي واذكار
بس هذي طريقتي بكل شي توتر امتحاناتي انهيار
مع العلم قبل ماكنت جذي كنت حيل هاديه ومااتوتر عالتوافه
بس الفتره الاخيره مريت بظروف صعبه حيل خسرت امور كثيره احبها
تحطمت اموري منها دراسيه وغيرها فحسيت ان خلاص
مافيه شي مضمون !
على اني متوكله على ربي الحمدلله