-
مســــــاجــله !!
السلام عليكم ورحمة الله وبركاته
اسعد الله جميع اوقاتكم بكل خير
مساجله عباره عن رساله وردها فالجوال بيني وبين الاخ الشاعر سعود عبدالله احد شعراء غرابيل
ووجب علي طرحها لكم عسى ان تنال اعجابكم واعذرونا فالقصور
صندوق الوارد
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مرزوق انا الي فالبني عشقتن غير=محدٍ وصل من جيلها مستواها
في وصفها حارت جميع التعابير=تعجز حروف الشعر عن ما حباها
ربن جعلها غير كل الغنادير=باخلاقها واسلوبها وبحلاها
لاكن ابا اقصر عليك المشاوير=ابا اختصر ما تحتويه وحواها
كلامها احلا من حليب المصاغير=اللي على الله شربها مع كلاها
في خايعن مخلي كسته النواوير=ابروسها ترعى ولحدن رعاها
لوحيت هرجتها على اقل تصوير=طب الجروح المبطيه في شفاها
منطوقها ياخذ على الجرح تقرير=عذوبته دوى الضماير وداها
همس الشفايف له على القلب تأثير= لاذابت الشفه بحالي نباها
كنه يخدرني مع الصوت تخدير=واعانق نجوم السماء في سماها
والوصف الاخر سر والسر في بير=عن العيون محصنه في خباها
احبها حشمه معزه وتقدير=يا كثر ما في خافقي من غلاها
بنت الرجال الطيبين المناعير=اغليتها واغليت حيٍ رباها[/poem]
الرسائل المرسله
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا سعود من لامك عساه لزمهرير=ما يروح الجنه وبارد هواها
ما ولعه قلبه بهيم الخواصير=ما ذاق من مر الحياه وحلاها
لاهب نسناس الهوى صبح وعصير=مشاعر المشتاق جاته وجاها
يروجع بصوته لحون المجراير=لعيون من كن القمر في احلاها
ريميةٍ ما ذيروها المداوير=ما شافها القناص والا رماها
مصيونةٍ عن كل من ينفخ الكير= بنت الرجال اللي يذري ذراها
بكره نروح لبيت اهلها مسايير =لاكن حدد ديرة اللي تباها
لوهي بعيده ما حسبنا المخاسير=ناطا على الدنيا ونلعن ثواها
انا معك يا سعود دايم على الخير=في مبتدى الطرقه وفي منتهاها
مترك رفيقي فاليال المعاسير=اقف معه والنفس تدرك مناها
ادفع قناطير الذهب والدنانير=وتهنى بمعشوقتك ساعة لقاها
لعيونها ننطح وجيه الطوابير= والرجل فالميقاف تثبت اخطاها
وترتاح من كثر العنى والتفاكير=والبير تشرب من قراهيد ماها[/poem]
وسلامتكم
-
والله قمه في قمه
ابداع من الطرفين شعراء يجعلونك تستمتع
بكل ماسطروه صح لسانك اخوي مرزوق
وصح لسان سعود
-
وفيت وكفيت
صح لسااااااااانك مدد بلا عدد يامرزوق
وصح لسان الشاعر سعود
جزلين يالقروم
لكم مني ارق التحايا
-
صحت السنتكم جميع
صوت وصدى ولا اروع
تحيتي لكم
-
صح لسانك أخوي / مرزوق
و أخوي / سعود
بانتظار جديدكم
-
[align=center]
مرزوق الغنامي
ـــــــــــــــــــــــــ ــــــ
صح لسانك ولسانه
وبيض الله وجيهك
صوت وصدى
ألف شكر لك
ـــــــــــــــــــــــــ ــــــ
أخوكـ/خالد
[/align]
-
الله الله عليكم يالثنين
لله دركم وصحت قلوبكم
ابدعتووو وامتعتووو يا شعار
ولاهنت يا مرزوق
ودمت
-
صح لساانك ياا مرزوق ..
و صح لساان سعود ..
لاهنتوا ..
( تسجيل حضور )
أخوك ـ
-
هلابك يامرزوق
وصح لساااانك ولسان ابوعبدالله
شاعران مميزان
لاهنتتتتتتتتتتتت
النااايف
-
صح لسانك يامرزوق وصح لسان سعود مبدعين كما عهدناكم 000
-
والله قمه في قمه
ابداع من الطرفين شعراء يجعلونك تستمتع
ولله دركم يالنشااما
وصحت السنتكم
ودام خواكم
-
سعد الجميلي
هلا وغلا
شرفني مرورك الكريم
وصح بدنك
ولاهنت
-
مرزوق+ سعود
والله انكم ابدعتووو
صحت السنتكم
ولاهنتوو على الابداع
دمتووو بخير
-
مرزوق الغنامي
صح لسانك ولسان خويك
شعار مبدعين بحق وحقيقه
تقبل تحيه مني وتقدير ياولد العم
أخوك يوسف الغنامي
-
مرزوق الغنامي
هلا بك وغلا
صح الله لسانك ولسان الشاعر سعود صوت وصدى ولا اروع
اتحفونا بهالرائعتين
الله لا يضركم
تقبل مروري
