دكتور للحمّص وللتبوله ـــــــ ولا القصايد ما انت بمدكترها
[poem=font="Arial,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صالح لمس سح القمر من طوله=ثم غاص من غب البحور اكبرها
جاه الكلام ولن نشد منهو له=لموّرد القالات ومصدّرها
دكتور للحمّص وللتبوله=ولا القصايد ما أنت بمدكترها
ماني بسامع لك كلام تقوله=ياللي تسوق الخيل وأنت آخرها
حي(ن) يسارك وجهته مجهوله=واللي خلافه حالته خابرها
لا يا عساكم في نحر كبسوله=جيب(ن) عظامك يا الردي يكسرها
اللي سواتك ويش هو محصوله=اعطوك حمله وانت ما تقدرها
قال المكاسب قلت ماهي حوله=قال المعارف قلت له دورها
الوادي اللي ما تسيل سيوله=ما ينفعه عقب العصر ماطرها
يعطيك مضمون الخبر مرسوله=ويجيب سعر الغاليه تاجرها
اسمع من اللي طيبات فعوله=وان غاص يبغى الجوهره يضهرها
يوم القصيد مغيبين فحوله=ما لليالي واحد(ن) يسمرها
القاف طايح بالفراش ادعوله=والقافيه رب الملا ينصرها[/poem]
