شوية هدوء الفرصة لازالت كبيرة في اسيا

الجماهير الاتحادية غاضبة من مباراة الأمس والحقيقة معاهم حق فالمستوى كان اقل من المتوسط وكثير من اللعيبه مو في الفورمة ويمكن كل اللعيبة أمس كانوا مو في مستواهم حتى المدرب أمس تشعر انه مشتت ذهنيا وواضح انه مشكلة ابو نخاع أثرت عليه نفسيا
المهم خلونا في الحاصل
الاتحاد ماهو بعيد كثير عن التأهل فقط مطلوب من الاتحاد الفوز في المباريات الي على أرضه وبكدا يكون مجموع نقاطه تسعه نقاط
نبدأ بالمباراة الجايه مع الاخويا فلو فزنا عالاخويا صار معانا ست نقاط والاخويا يتوقف رصيده عند أربع نقاط وحيلعب العين مع تراكتور الايراني في إيران ولو فاز العين راح يتصدر بتسعه نقاط ويتوقف رصيد تراكتور عند الاربعه نقاط ويصبح الاتحاد الثاني في هذي الحالة ولكن لو تعادل العين وتراكتور راح يصبح العين سبعه نقاط وتراكتور خمسه نقاط وبالشكل هذا راح يكون الاتحاد الثاني بفارق نقطة عن المتصدر العين ولكن في حالة فوز تراكتور على العين راح يصبح تراكتور الأول بسبعه نقاط والعين والاتحاد بستة نقاط في المركز الثاني برضه يعني المطلوب فقط الفوز عالاخويا في المباراة الجايه في مكة المكرمة وراح يدخل الاتحاد جو المنافسة من جديد وبلاش تشاؤم وان شاءالله الاداره والمدرب راح يعرفوا أخطاء مباراة أمس ويكون الاتحاد في المباراة الجايه جاهز فنيا فقط المطلوب مؤازرة الجمهور