بصراحه مو حاسه بستقرار نفسي مع خطيبي متناقض وعصبي لحد جنون
نمطه شمالى الشرقي
حتي لو اعتذر مني قلبي قسي عليه ماعلق قلبي فيه مفروض خطوبه يعيشني ملكه ويدلعني ويدللني احسه متحسفه عليه حتي كلمه طيب
تخيلو اقوله محتاجه لى الامان يقول لى العالم كله محتاج للامان بالله وش نوعه هذا هو خلعته زوجته واحسه فيه خوف وقلق كانه حرمه
من طلاق مشكله هشي ماعلمه كيف يتادب ويتغير ويعلقني فيه ويحببني فيه احس اني مو مرتاحه
خايفه منه مجرد لو اتكلم عن سفر ولا اي شي يسوي سالفه ويحسسني انه طالبته شي وانا كلام عادي
ويطنشي ايام وانا فاهمه على حتي اتادب ولااطلب شي وهشى مخوفني يقول اذ طلبتي شي ولا جبته خلاص لاتعيدين مره ثانيه
بس قال لى انه عنده تلفزيون مو شاشه قلت اشتر طيب حلوه شاشه وماعاد احد عنده تلفزيون عادي
قال لى ماله داعي وحاولت فيه قال طيب طيب بشترى كانه يسكتني بس قلت يمكن عادي رده فعل
بعد شهرين عدت له الموضوع قلت شريت شاشه عصب وقال ليه تعدين سالفه قايل لك ماحب احد يعيد قلت من شهرين وبعدين عادي قلتها عادي كلمه لاصارخات ولا جبرتك وسوي لي سالفه كسر خاطرى قوووي وجه وهشى مخوفني منه بعد زواج
انا بصراحه احب تفاهم لو كلمه يطيب خاطرى فيها بعد سب ولعب فيني وقال المفروض نطلب بادب قلت ليه وش قصدك انا قليله ادب قال فيهمها زي ماتبين تفهمين
وبعد كم يوم اعتذر بس قلبي قسي عليه خلاص كرهت حتي شكله صحيح اكلمه واسولف بس ماعاد قلبي على قلبه ودي اوصل هشى له وبين اني محتاجه احبه
وانه زواجنا بيكون هش احس مو قلبه على قلبي لاهدايا ولا حتي ورده كاسر خاطرى حتي لو اقول له لو جبنا ولد وش نسميه قال الله كريم
مستمز وكله عناد مالى ذنب انا متعقد من ماضى وانا ماسويت له شى نفسي اعطيه اكثر واكثر ومستعده بس بديت اتحسف اخاف يقصر معي
محتاجه يبادني العطاء ماديا ومعوينا محسسنني اني ميته على فلوس وانا اتكلم زي اي خطيبه يقول لاتسئلني كم عندك
واحس ماعليه قصور بس مايبي يفرح قلبي متعتمد يعني مايحب يتخسر ويبي احبه بدون اي عطيه
وصل فيه الموضوع يقول اشترى لك جوال عادي لانه جوالى جلكسي الى حجمه كبير يبي اشترى عادي حتي اذ اكلم فيه يكون حجمه رخيص بدل مايشترى لى هو جوال جديد يقول لى كذا بالله وش يحس فيه
حتي نت اقول حط شبكه قال اشترى لك شريحه نت يعني ماقال اذ اجيتي شحنت لك شريحه يبني اشتريها احسه يحب يتحكم بديت اكره ظاغطني مرره مو مراعي مشاعرى محتاجه احس بهتمام من قلب وتدليع ماقدر حتي اتدلع عليه
مرررره بينام قال تبين شي قصدك اذ ابي بوسه توني اتدلع يعني اقول وش ابي ماخذت ثانيه قال يلا يلا مع سلامه كسر خاطرى وقسم بالله كرهت كرهت كرهت كرهت كرهته كرهت كرهته مو مرتاحه وخايفه منه
صارحته بعد فتره ب سلوب وكذا قال بشري ان شاء الله ماتشوفين مني الا كل خير وخاااااايفه اتوهق منه
عاد انا مطلقه قبل وانكسر خاطرى تطلقت ببدايه زواجي مادلعني الاولى ولااحس اني تعوضت هو يقول انتي غير الاول رغم انه متزوج 4 سنين الا توه يحس انه متزوج معي وانا بصراحه ماحسيت ب فرق يشبه طليقي بكل شي لاتدليع وكبر وغرور ولسان وسخ
للاسف سئلنا عنهم بس ليه حظي كذا موجوع قلبي حرام انظلم مره ثانيه مو ناقصني شي بس ليه مايدلعوني برغم اني مدلله عند اهلى وشافيني ماعلى قصور
لاهدايا ولا كلام ولاامان ولا يحلمون معي اسلوبي محبوب حتي طليقي يوم طلقني مالقي فيني عيب
بس تسرع وغضب وتقدرون تقولون عين وامه متسلطه وش الحل بديت اذبل ومابغي على زواجي شي وقلبي متلوع
والحين بماانه قرب زواج مايدق
