(مـقـاديـر و أحـكـام)صوت وصدى بيني وبين صالح ال حارث اليامي
[poem=font="Simplified Arabic,5,blue,bold,normal" bkcolor="transparent" bkimage="" border="double,6,blue" type=0 line=0 align=center use=ex num="0,black"]
هذي قصيدتي اللي موجهه لصالح اليامي=
مــقـــاديـــر و أحـــكـــام=
الغيمه اللي خيمت فوقنا عام=لاروحت ولا تناثر مطرها
حنت رواعدها ورا سحب وغيام=وبروقها مابينت من غدرها
وش فايدت لي روحت طول ليام=مادام باقي فالخواطر كدرها
خلاص راحت بس تاثيرها دام=بقلوبنا يالله تفرج عسرها
أزريت لااصدق مجاريح وآلام=وزرت خيوط الفكر لاتفتكرها
مارات اقول أنها مقادير وأحكام=ومرات اقول أحلوم ليل أعبرها
أعلب على نفسي بتصديق لوهام=وأصدق الكذبه وردد عبرها
وياليتها كانت كوابيس وأحلام=وأفيق منها وأتناسا خبرها
لاكن حقيقه ذوقتنا من السام=سم(ن)غشا كل القلوب وغمرها
فيها حزن وأفراق ودموع وأيتام=ومنها عيونن طولت في سهرها
الله من دنيا بها الناس تنضام=يالله تكيفينا بلاوي قدرها
دنيا تفرق قوم وربوع وارحام=تامر وتنهي ويتزايد خطرها
ماتاخذ الاكل زيزوم مقدام=كنها تخير في رجولة بشرها
ياليتها لما نوت حكم لعدام=ماتاخذ الا ناس ماحد(ن)ذكرها
مثل الردي والاش وأنسان نمام=ناس(ن)يلي راحت نسينا دهرها
تنلام لي راحت ولي جات تنلام=وأيديهم من الجود ربي قصرها
اللي على روس الطويلات ماحام=سوا سوا انغابها وانحضرها
لاكن مغيب اللي الا جات حزام=مطنوخ لي جات المشاكل نحرها
اللي نعده لظهر سنح واحزام=ولي دروب المرجله ماشطرها
مخلص لربه ولنبيه ولسلام=وانشاف نعمه من الهه شكرها
عطوف مرضي والدينه ولعمام=رحوم يمسح دمعة اللي نثرها
كريم وافي يعطي الحق بتمام=راسي رقا بالشامخات وعمرها
صبور لايشكي ولاهو بظلام=سموح لي جات الخطيه قبرها
انقيل شيخ فشيخ وايمام فايمام=قنوع من دنياه عايف جخرها
والناس كسمهم طبقات وأقسام=وبالاحترام وطيب قلبه غمرها
والمرجله أصبح لها تاج ووسام=قامت تحلابه وزادت فخرها
هذاك نبني للحزن بعده أخيام=وعيونا يبطي وهو في نظرها
واحد وخلا الحزن بقلوبنا اكوام=وبكى عليه ادياره اللي هجرها
وأنا على خمسه صناديد وأكرام=فاضت عيوني وأستهلت أعبرها
وصار الحزن بقلوبنا مثل لرقام=وانفوسنا ربي وراهم قهرها
عشنا بدنيا مظلمه غدر وأغمام=ساد الحزن بترابها وأعتمرها
وعزي لعيني كل ماجيت بانام=أحدها على السهر وحشرها
وأجر ونه تاليتها تلعثام=بالعبره اللي بعدهم محتكرها
مؤمن بقدر الله ومؤمن بلحكام=لاكن بقلبي ماتدامت حفرها
وعليك ياشيخ(ن)ولد شيخ من يام=سقت القصيده واعتنيت ابحرها
ياصالح أنا صاير(ن)جلد وأعظام=واللي نحل حالي وروحي دمرها
الغيمه اللي خيمت فوقنا عام=لاروحت ولا تناثر مطرها
منها غشانا شعف ورعود وأغيام=وبروقها ربي علينا حصرها
فيالله يامعبود يارب لانام=فرج على عبدك وهون عسرها
الشاعر : مانع الوايلي=
وهذا رد الشاعر : صالح بن حسين ال حارث اليامي=
البارحه من هاجس(ن)في الحشا قام=يلعب بخفاق القلوب وكدرها
الصدر ضاق وهين المشي درهام=خضت البحور الطاميات وقعرها
بحر الخيال اللي شواطيه لوهام=والباخره فيه العيون ونظرها
جريت ونه زلزلت بندر الشام=وهلت عيون اهل الجزيره عبرها
واسبابها قاف(ن)من أجداد وقدام=ساقه عريب الجد دايس خطرها
قرم(ن)شجاع(ن)من عزيزن وأكرام=من لابة(ن)محد(ن) بشوره جبرها
مانع حمد جبهان قايد وضرغام=له وقفة(ن)في كل موقف شهرها
اسوق له ترحيبة(ن)تازن الهام=وتازن جبال طويق واكبر قهرها
فيها الخزامى والنفل جمع واقسام=واللول والمرجان موجة بحرها
مخلوطة(ن)بالمسك وتروح قدام=تنصاك يامانع وعندك خبرها
من فوق بكره مالها قيد وأخطام=موسومة(ن)عفرا كثيف(ن)وبرها
حره عمانيه خفيفه ومقدام=شلت خبر مرسولنا في ظهرها
تقطع خبوت(ن)مقفره عجل وشمام=ماهي تحسب سهيلها من عسرها
يابوحمد هذي تصاريف ليام=تامر على من عزها وعتبرها
ماهي تفرق بين شاجع ونمام=مرهونة(ن)بأمر الولي يوم أمرها
والصبر مفتاح الفرج سلم واسلام=والمعتبر من يعتبر من عبرها
فرقا حبيب وهم وحكاية اوهام=مايستريح اللي بقلبه نحرها
والرابح اللي ماوطى درب لجرام=يتبع طريق الصالحات وعمرها
والله يصبركم على غيمة العام=ويجعل قضا حسن الخواتم مطرها
والختم صلى الله على رمز لعلام=شفيعنا شمس القلوب وقمرها
الشاعر:صالح حسين ال حارث اليامي=[/poem]
