تجربتي مع الدكتور مصطفى تومسو لعيونكم

السلام عليكم خواتي،.
انا راجعت عند الدكتور مصفطى تومسو وكنت قبلها محتاره بينه وبين دكتور اسامه صالحه بس اسامه سمعت ان نفسيته موشي فكنسلته واستخرت ربي وراجعت عند تومسو قبل العمليه كان عندي هرمون الحليب مرتفع عطاني دوستنكس حبتين كل اسبوع لمدة شهرين ونص تقريباً وعطاني بعد حبوب تقريبا سعرها 50 قال فيج تكيس انصحكم فيهم وعطاني فوليك اسد وعطى زوجي ابر وحبوب لان زوجي يحتاج عملية لاستخراج الحيوانات المنوية واستمر عليهم زوجي شهرين ونص،.
المهم يوم 21 من الدورة عطاني ابره سعرها 150 وقالي اذا جت الدوره ثاني يوم تبلشين ابر قبل العمليه بشهر وانا امتنعت عن القهوه والجاي والكاكاو الحمدالله كنت احاول ابتعد عن الي يمتني بعد ومبتعده عن المشروبات الغازيه من فتره كبيره الحمدالله وملتزمه قبلها بجاي اعشاب ام خالد ومردوها كنت ماخذه من اختي بعلب كانت شاريه منها وحسيت انه نزل كميه زياده لان دورتي انا قليله اساساً ،..
المهم ثاني يوم دوره بلشت ابر القلم جونال تقريبا خمس ايام بعدها شاف سونار وغيرلي الابر وحدد موعد السحب ،.. قبلها بيوم الساعه 12 الليل منعو عني وعن زوجي الاكل والشرب المهم رحنا الصبح عالثمان بمستشفى دار الشفا تعامل السسترات الهنديات حلووو اول شي بلشو بزوجي عطوه بنج وانا حضروني وقبل لايسحبون مني الحمدالله طمنوني انهم لقو بزوجي حيوانات منويه كافيه وبنجوني وسحبو تقريبا9 بويضات صالحات بعد ثلاث ايام دقيت عالدكتور قال ارجعهم يااليوم او بعد يومين يعني اليوم الخامس وانا استخرت ربي وكنت خايفه ان اذا طولت حيوانات زوجي تضعف عاليوم الخامس توكلت على الله ورجعتهم باليوم الثالث رجعلي دكتور مصطفى جنين الحمدالله وبيوم الترجيع السستر ضغطت على مبيضي اليسار عورتني بس الدكتور طلب منها عشان يشوف احسن مكان وشربت ماي قبلها تقريبا نص لتر مع ان مفروض اكثر بس انا مااستحمل وقعدت تقريبا ساعتين رافعه رجولي وسالت الدكتور رجعتلي الجنينين برحمي اليمين او اليسار وضحك علي دكتور الاجنه السوري اخلاقه حلوه قال شلونج انتي ماعندج الا رحم واحد تفشلت😝 وبعدها الدكتور مصطفى قال كله بيد الله انا بس دكتور والباقي على الله ،. وطلبت من نفسي اني انام بالمستشفى الدكتور قال مو لازم قلت له انا ابي يادكتور المهم نمت بالمستشفى وكنت منسدحه ع ظهري اول 3 ايام واصلي عالكرسي واقرا سورة البقره وياسين ومريم والطارق 7 مرات واحط ايدي ع بطني والرحمن والملك والفاتحه 7 مرات وايدي ع بطني وكنت اشرب نص لتر حليب لاني ماحبه بس اغصب نفسي واكل بيضه مسلوقه الصبح مع جبن وخس واكل تفاح وخيار وابتعدت عن الوجبات السريعه وممنوع جاي قهوه ،. الاعراض اول 3 ايام مبيضي اليسار احس في شي يطق واليوم التاسع بطني انتفخت وعوار بطن وظهر قوي قلت خلاص الدوره ماحللت بالبيت اتشأم منه بيوم13 حللت والحمدالله دقيت عالمختبر صج نطروني كنت ارجف تقريبا نص ساعه اخر شي قالت حامل ،. ادعولي بنات الله يثبت حملي ويتمم علي على خير امانه لان حملي عزيز لازم حقن مجهري عشان حالة زوجي ،.