1 مرفق
... قصيدة ( الخمرة ) .. رائعة .. الحكم بعد الاستماع ...
[align=center]:
:
بسم الله الرحمن الرحيم
السلام عليكم ورحمة الله وبركاته
صباحـ / مساء ــكم بالخير والمسرااااات
اعزائي..
قصيدة رائعة للشاعر / جـابر بن هايـف العتيبي ..
وصراحة ظلموهاا باسم الخمرة .. ولكم الحكم على بعد الاستماع ..
لتحميل القصيدة والاستماع اضغط هنا
:
او اضغط ..http://9q9q.net/9q9q.net.gif
:
او قم بتحميلها من المرفقات..
:
واليكم القصيدة كاملة ..
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اليكـم القصيـده ياجماهيـري وهــي خـطـره=وخلـو هاالرقابـه تسجـن الشـاعـر وجمـهـوره
هـدووؤا ًايهـا الساده حضـور الحفـل والسهـره=مساء الخير ع الصاحي واشوف النـاس مخمـوره
انا اسف على الازعـاج ولكـن طـارت السكـره=ذكرت اني قبل ساعـات اصيـل لعزوتـي نـوره
علـى فكـره الكرفتـه عجـزت افكهـا عـسـره=ابـي واحـد ينزلهـا او اي وحـده ومشـكـوره
وابي ثوبي جيبولي ثوبـي الاشهـب مـع الغتـره=قبـل والله لا اطربقهـا علـى هالحفـل بحظـوره
ولا واحـد يتكـلـم قـبـل ماخـلـص النـشـره=ومن يحكي قسـم بالله لا ادوس برجلـي حنجـوره
تراهـا قفـلـت يـاسـادت بــلادي وياستـره=وهـي مادامهـا خربـت بقـول الليلـه الـثـوره
انا بحكـي مـن اول يـوم جيـت لدنية ٍ قـذره=وتكـرم عـن قذارتهـا بـيـوت الله ومعـمـوره
انا مولود فـي ليلـه شتـاء مـع بردهـا مطـره=في خيمه وسط صحـرا مابهـا سستـر ودكتـوره
انا ياحضره الساده غريب وضـاع مـن صغـره=لعـن جـدي زمانـي بيـن مدهوره ومهـجـوره
حملت من الشقـى مـالا يطـاق وجايكـم ذكـره=ولاني عاجـز اتحمـل وامـوت بنفـس مقهـوره
وانا ادري يذبح الرجال كثـر الصبـر فـي قهـره=وعن قهر الرجـال المصطفـى حـذر ومذكـوره
وهم قالـوا مفاتيـح الفـرج للحـي فـي صبـره=وانا اشوف الصبـر مفتـاح ضـاع وزاد طابـوره
تعبـت الملـم ايامـي بيديـن الـهـم والحـسـره=تعبـت المـع البـرواز وامسـح غبرة الصـوره
تعبت ابوس كف الجوع وخشم الفقر طـال عمـره=تعبت اكذب على الحاجه واقـول الحـال ميسـوره
تعبت احمس من القهوه واحـط السمـن والتمـره=تعبـت ودلتـي وحده وكـل شــوي منـثـوره
احسب العز بالدله وبيت النذل بهـا عشره دلالـه=اكـثـر الملـعـون وملـيـانـه ومـسـطـوره
انـا بحكـم البداوه انـزرع فـي داخلـي بـذره=عن علـوم المراجـل الـف بذره فينـي مبـذوره
تربينـا علـى الديـن ونطيـع الله مــع شـكـره=تعلمنـا نصلـي ونحفـظ القـرآن وكـل ســوره
تعلمنـا نحـب الضيـف وفينـا الـكـرم فـطـره=تعلمـنـا نـقـول الـصـدق لا لـفـه ولا دوره
تعلمنا نحلـب النـوق ونعـرف وش هـي البكـره=تعلمنـا الضمـا وحنـا بيديـن البيـر محـفـوره
تعلمنـا ... وكثيـر اللـي تعلمنـاه وش كـثـره=اخذنـا درس بالدنـيـا بــلا دفـتـر وسـبـوره
وانتم ياسكااارى الحفـل .. عفـوا ً ايهـا الزمـره=منوفيكم .. عرف قهر الزمـان وضلمـه وجـوره
منوفيكم .. وطاه الجـوع و ذلـه واصفقـه فقـره=منوفيكم .. عـرف يحتـاج للقمـه ونشـف زوره
منوفيكـم .. مـن الضيقـه حفـر بصابعـه قبـره=منوفيكـم .. رقـد ليلـه وسـط اجسـاد مقبـوره
منوفيكم .. مشى حافـي برمضـا ً كنهـا الجمـره=منوفيكم .. سهـر ليـل الضـلام بذون اباجـوره
منوفيكم .. ماطـاح الفيـن مره وسلمـت الجـره=واناا من قبـل اطيـح وجرتـي بيدينـي مكسـوره
لكم الماء .. والوجه الحسن .. والمال .. والخضره=ولنا حنا الضماء .. والجوع .. وفقر وشيفة ٍ عوره
ولامره حظـي ضحـك بوجهـي واشكره مـره=وغيـري مبتسـم حظـه وكـل ايامـه مـسـروره
كتبت الشعر من صغـري وبيوتـي مابهـا كسـره=وانتـم تبـرزون اللـي كتـب بيتيـن مكـسـوره
انـا ياحضـره الساده فقيـر مااغتنـى بشـعـره=مدام المومـس اللـي تشـري الاشعـار مشهـوره
وانا ياحضـره الساده هنـا الليلـه وعلـى فكـره=ترى هالبدله مسروقه ورجلـي بجزمـه محشـوره
ولكن قلت ابحضـر هالحفـل والعمـر ابختصـره=وابي ابدع معاكـم وسـط ليلـه انـس ومحظـوره
واذا كانـت رجولتكـم بكاس الثلـج والخـمـره=انابشرب بدون الكاس وثلجـه الـف قـاروره
ابويـه قـال لـي مره دسـم شاربـك بالغـبـره=مايدري بالشنـب محلـوق وجابـر فاقـد شعـوره
انـا بمشـي مـدام الليـل ودّع وابتـدى فـجـره=بـروح ارد هالبدلـه علـى هالمعـلاق مـزروره
وانا ادري ياكلااااااب الحفل انـي بالسجـن بكـره=مدام الليله جبـت العيـد بهـذا الحفـل وحظـوره [/poem]
وسلامة الطيبين ..
لتحميل القصيدة انظر المرفقات ادناه او الرابط اعلاه
تحيتي للجميع
:
:[/align]
