مسائكم شيح مشحشح بالزعفران ياشبيبة غرابيل
هذي السالفه صارت على بامريكا قبل كم سنه وقبل احداث 19 نيسان << مدري 11 سبتمبر باايام قليله
المهم رحت ادرس في امريكا قبل يمكن اربع سنوات في ولاية اسمها نيو مكسيكو قريبة من الحدود مع المكسيك وهناك تعرفت على ثلاث شباب واحد منهم اماراتي واثنين كويتين انا والاماراتي ندرس في نفس الجامعه والكويتين في كلية ثانيه واستأجرنا شقه هناك برا السكن طبعا اهم اقدم مني بسنه في امريكا ولهم صديقات هناك وانا وحظي الي تعرفت عليها طلعت من الهنود الحمر وتحبين الرمي بالسهام نياهاهاهاهاهاهاها وركوب الخيل وحركات الهنود الحمر الي تعرفونها قلت ياولاد بلاش دور لك وحده اصرف منها وطنشتها بس هناك اهم حبيبين مره مجرد تقول للوحده ضفي وجهك تقولك هي بعد ضف وجهك وكأنه ماصار شي ...
المهم واحد من الكويتيين عنده صديقه المانيه مووووووووووووووووووووت والله ياعليها خدود كانها طماطه من زينها بس مشكلتها انها طويله مرره والبنت عايشه في امريكا من يوم انولدت يعني طولها اطول من الشله كلهم مجتمعين والله العذروب نياهاهاهاهاهاهاهاهاهاهااه اهاهاا
واقول له اللوح هاتها مره بالشقه خليها تتعرف علينا ويرفض الدب <<<< نيته قشرا يبي يلطشها منه
المهم انا جايب معي من السعوديه مجموعة دلال وقهوه عربيه وتمر وحركااااات الشرقيين الي تعرفونها
وفي يوم من الايام قال لنا صديقي الكويتي بكرا عيد ميلاد صديقته بس ياجماعه وش اهديها والله جلسنا نفكر كل مانقول شي يقول لا ابي شي مميز والله وتولع فوق راسي لمبه <<< يعني اني وجدتها
قالوا هاه وش الي وجدتها <<< اخس يانيوتن على غفله
قلت نسوي لها ذبيحه على طريقتنا يالخليجيين وانا على ازبط لكم الكبسه والذبيحه والمفطح اهو في البدايه اعترض بس الحينا عليه الحاحا حتى وافق قلنا خلنا نعلمها على الطبايع الشرقيه وافق الرجال
ومن الصباح الباكر ومن شقت الفجر نركب الجيب شيروكي ونروح لمزرعه خارج البلده ونشتري خروف من هناك بس يالله اشترينا الخروف منهم هم مو مثلنا لازم الخروف يكون له عمر محدد وماني عارف ايش المهم هذي سالفه طويله اقولها لكم بعدين
اشترينا الخروف :rolleyes: ودخلناه الشقه بلشنا مدري وين نذبحه مافيه مكان لازم يقولون مكان مخصص وحماية بيئه ومدري ايش قلت لهم ولايهمك بالشقه والله ونلفه في اكياس سود وندخل فيه الشقه ويرافس الخروف اثاري العجوز صاحبة الشقه الي مستاجرنها منها شافتنا يوم دخلنا بالخروف بس ماتدري وشو تشوف اكياس سود تتحرك
والله وشوي نجيبه وانتم كرماه بالمغطس (( البانيو ) ونذبحه فيه علشان الدم مايطلع ويوصخ المكان بس بيني وبينكم ضيعنا اتجاه القبله وذبحناه اتجاه المكسيك خخخخخخخخخ نياهاهاهاهاهاهاهاهاهاهااه اهاه والله ونعلقه بمواسير الحمام واجلس انا اجزر لهم الذبيحه واحد من الشباب يزبط القهوه واحد ينظف الشقه تعرفونا شقة عزوبيه لازم تكون حوسه
وصديق البنت يدق على خويته ويقول عندي لك مفاجئه وماعني عارف ايش كنا نبي نحط الشمع على مفطحة الخروف نياهاهاههااهاهاهاهاهاهاها هاهاهاهاهاهاهاهاه
وشوي يوم سكر صديقنا السماعه وطل من الشباك الا يشوف دوريات تحت ماليه الحاره وهلوكوبتر فوق العماره وناس وزحمه واجي انا واطل على الدوره واجلس اصرح على اصدقائي اقول اكيد فيه مجرمين هنا ويبون يمسكونهم تعالوا ساعدوني نبي نطلع كرش الخروف وشوي وحنا نزبط الكرش والكبده والحركات الي بالي بالكم الا يوم سمعنا الباب يصفق بقوووووه
الا صوت واحد يقول ارفع ايدينك <<< بالانجليزي طبعا
وصفق بالباب وحالتهام حاله طنشناهم قلنا لاتطلعون صوت هذولا اكيد يبحثون عن المجرم لا تفتحولهم شوي الا يوم طب علينا كوماندز مع الشباك ويقولون (( دونت موف )) ولابسين كمامات وبنادق وحالتهم حالهم ويوم شافوا السكين معي ويشيلون فيني فوق ويخبطون فيني وش السالفه يالربع ماحد يرد ويكسرون الباب ويخشون الثانين
وين الرجال الي ذبحتوه يقولون
اي رجال
ويفتحون الحمام
ويلقون الخروف معلق
ويطيح مأمور الدوريه على ظهره من الضحك يوم شاف الخروف معلق بالمواسير
<<<<<<<<<<<<< في الحلقه القادمه اكمل لكم وش صار معنا بالسجن >>>>>>>>>>>
نياهاهاهاهاهاهااهاهاهاهاه اه
ارجوا ان الجزء الاول اعجبكم
الحانوتي الممركاتي
