قصيده ترحبيه

بدايه بسم ابوفارس اهلي بك على مكان = هلا يامرحبا ترحيبةِ بالعز مليانه

هلاياسيدي تركي هلابك والشعر لاهان = اذا مجاء بماجوبك فلاله عندنا خانه

هلابك في محل ابواني اللي تكرم الضيفان = هلابك عند ربعي محتمين الدار واركانه

جنودك في لزومك حاظرين وكل علمِ بان = غلاكم ياهل العوجاء رجح بالقدر ميزانه

من امعزي الى اخر يوم وانا للحكم عوان = ولانجهل محبتكم لنا والقدر صفطانه

مجيك للضبيعه تاج راس وعندنا عنوان = وكلِ من غلاكم فاتحِ بيته اوبيبانه

ياعنوان المراجل يامقدر وقفة الشيبان = يازيزوم المراجل لنتخو للعلم عوانه

يامحزم من حداه الوقت بين فلان ولا فلان = ليامن ظاقة البيداء تذكر وين مزبانه

نصاء تركي وتركي مايعرف مثل نجمن بان = خذا من سيدي عبدالله الحكمه بحسبانه

خذا من سيدي عبدالله الهيبه وقدر وشان = وخذا من سيدي عبدالله التقدير للخوانه

وخذا من سيدي فعلِ يخلدبه مع الازمان = هو اللي ماشين فيها وكلِ شاف بعيانه

ليامن قيل عتق ارقاب قالو تركي ابليهان= هو اللي يعتق ارقابِ الحد السيف منهانه

l وقف وقفات ابومتعب وهاذي عادة الشجعان = ليامنه حصل فالعلم علمِ يخلف اوزانه


امير ونايب امير الرياض وحاكم اوسلطان = وكريمِ صخر ايدين العطاء ماهيب منانه

اقوله وافتخر بك سيدي والعذر ياكحيلان = عن التقصير فالطاروق والمعنى وبوزانه



عبدالله بن راجس

ونعم بك وبضيوف الضبيعة ومعازيبهم

صح قلبك وكلك يابوهادي


وسلمت اناملك

عبدالله بن راجس

صح لسانك ملايين


ابدعت لاهنت

هلابك في محل ابواني اللي تكرم الضيفان
هلابك عند ربعي محتمين الدار واركانه

كفو يابن راجس انت وربعك


وصح لسانك ولاهنت