الرجاء من الاخوان التعليق على القصيده بكل أمانه وبدون مجامله
ارجو من الاخوان الاعضاء والمشرفين
ان يكتبون اي ملاحظه على هذه القصيده من اي ناحيه يلاحظون الخلل
فيها ولكم جزيل الشكر واترككم مع القصيده
القصيده
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجادل اللي عليها صارت آمالي=مابي علاقه بعد علاقتي معها
سميت باسم الاله الواحد الوالي=في مشيها المعتدل والا تهزعها
تفرق على الغيد كيلوات واميالي=شي طبيعي ولابه من ينازعها
لو تدخل مسابقه فيها أول ووتالي=من فوق عرش الحلى يعلن تربعها
ولايصير في فوزها تشكيك واجدالي=ان كان بانقابها والا بمفرعها
ياراحت النفس ياحلا ماتهيالي=ياطب نفس تشكّا من مواجعها
يالحظة تجمع الغالي مع الغالي= في ذمتي تجرة تربح بضايعها
لجيتها فالمكان اللي على بالي=واسترخت اعصابي بلحظة تجمعها
وصارت جميع السوالف مرها حالي=وطارت همومي معاد ادل موقعها
نوبن اسولف وهي تقعد توحالي=ونوبن تسولف علي وانا اتسمعها
سوالف ماتشابه هرج عذالي=اللي سواليفها ماقدر أرقعها
ماعمرها قالت الا شي يحلالي=كنها تنقّى سوالفها وتراجعها
ماكنها تطلع من القلب طوالي=لاهي تركدلها ولاهي تصنعها
احب منطوقها والشعر لامالي=واحب ضحكاتها واغلي تدلعها
الا الصراحه وعلم الصدق ينقالي=احبها كلها واعشق طبايعها
ومن حبها اغار غيرة من به اهبالي=حتى من اللي يجوز يشوف مفرعها
ابو اخو عم ايّة شخص موالي=حتى ليا شبكة عشرة اصابعها
يرخصلها جهدي ويرخصلها مالي=وترخص حياتي قبل تنزل مدامعها
لولا غلا رقمها ماغليت جوالي=ولولا غلى بيتها ماجيت شارعها
اعيش كل العمر ماملك ولاريالي=اسهل علي والله انه من موادعها[/poem]
(الطيب مانجهل ولانجحد الطيب)
الطيب مانجهل ولانجحد الطيب = والشاهد الله قسمكم منه طيب
نمزح ولا فالمزح ياصاحبي عيب= اترك سواليف النقود المعيب
ان جتك من عدوالتقاريب = شتها بعيد ولاتوقع قريب
وحاول تجود دايمن فالمقاضيب = لاتاجد العالم عليك القضيب
إلياومنت الناس اكيد بتخيب = تضحك عليك الناس وتصير خيب
خلك فطين وذهنك الحرص ليغيب= تمشي عليك امور ساعة إيغيب
ولاتقول كل الناس عندي محابيب= كم مشكله من راس شخصن حبيب
((((الرجاء من الاخوان التعليق على القصيده بكل أمانه وبدون مجامله ))))
