دامك تمنى شهر في وسط لبنان ... انا تمنى طحي وأسفل سناامي @@@
[poem=font="Simplified Arabic,5,darkred,normal,normal" bkcolor="transparent" bkimage="backgrounds/40.gif" border="double,4,coral" type=2 line=0 align=center use=ex num="0,black"]
ياهاجسي بالشعر صخـرت قيفـان=قيفان من غيـر الذهـب ماتسامـي
ماهيب ذا فاضـي وهـذاك مليـان=ابيات منضومـه عليهـا الكلامـي
نهجتها بالوصف في نهـج سلطـان=وفالجزل والحكمه رشيـد الزلامـي
شاعر واغني وابدع القاف طربـان=واقول يالصاحب عليـك السلامـي
ياصاحبي لك شف عاشـق ولهـان=ناوي ولابه وسط حلقـك عظامـي
حجزتلك رحلت شهـر يـم لبنـان=تبغى تسج الرجـل فديـار شامـي
مالوم عينك يـوم سافـرت شفقـان=طيرت من عينـي لذيـذ المنامـي
وتقول ياناصر ترى الوضع فنـان=عجـل توجـه ياعزيـز المقامـي
اجواء خياليـه وعربـان حمـران=لو قلت ابى احصيهم تضيع الاسامي
لكن انا مالي بهـم شـف يافـلان=شفي ضواحي طحي وأسفل سنامي
اسج رجلـي بيـن ثعبـان وذقـان=ويم الركـا ومشيققـات الحمامـي
هذا هوى بالي على مـر الازمـان=وعيشت حلال ولا معيشت حرامـي
وان كان تنشدني عن البيض فتـان=جاني نظامك واستمع فـي نظامـي
احبلي بنت(ن) لها السلـم عنـوان=على الشرف ماجات درب الملامي
حب(ن) على وضح النقا بالحشا بان=ومتبادليـن الحـب ود وغـرامـي
بنت(ن) قبيليه من شيـوخ عتبـان=وخوالها شجعان من نسـل يامـي
قوم(ن) لهم بالعرف والطيب برهان=وفعولهـم بسيوفهـم والحـزامـي
وربعي ترى عتبان حمايت الشـان=لا منها ثـارت عجـاج وعسامـي
تشهد لنا العربان فـي كـل ميـدان=كم شيخ قوم(ن) فوقه الطير حامـي
وياخوي انت انسان لك قلب ولسان=وألك احترامك مثل مالي احترامـي
دامك تمنى شهر في وسـط لبنـان=انا تمنى طحـي وأسفـل سنامـي
[/poem]
